ویب ڈیسک: ہندوستان  نے ایشیا-پیسفک خطے کے دفتری ریئل اسٹیٹ مارکیٹ میں ایک نیا سنگِ میل حاصل کیا ہے۔ بین الاقوامی کمپنی CBRE کی تازہ ترین رپورٹ کے مطابق، ہندوستان کا آفس مارکیٹ سیٹیمنٹ انڈیکس ستمبر 2024 سے جون 2025 کے دوران 70 فیصد سے تجاوز کر گیا، جو پورے خطے میں سب سے زیادہ ہے۔
CBRE انڈیکس میں 50 فیصد کو غیر جانبدار ( نیوٹرل ) سمجھاجاتا ہے ، اور اس سے زیادہ اسکور دفتری جگہوں کی مانگ اور کاروباری سرگرمیوں میں اضافے کی طرف اشارہ کرتا ہے۔
ہندوستان تینوں شعبوں میں مثبت
ہندوستان ایشیا پیسفک کا واحد ملک ہے جہاں سرمایہ کاروں کا رجحان تینوں شعبوں  آفس، ریٹیل (خرید و فروخت)اور انڈسٹریل  میں مثبت رہا۔
 بنگلور، حیدرآباد، دہلی-NCR اور ممبئی میں مضبوط مانگ
2025 کی پہلی سہ ماہی میں آفس لیزنگ (کرائے پر لینا)  فیصد 5 بڑھ کر 1.8 کروڑ مربع فٹ تک پہنچ گئی۔ بڑے شہروں جیسے بنگلور، حیدرآباد، دہلی-NCR اور ممبئی نے اس مانگ میں سب سے زیادہ حصہ لیا۔ یہاں تک کہ کچھ درمیانے درجے کے شہروں میں بھی لیزنگ میں اضافہ دیکھا گیا۔
 ٹیکنالوجی اور GCC شعبے مانگ کی بنیاد
رپورٹ کے مطابق، ٹیکنالوجی کمپنیاں اور گلوبل کیپیبیلٹی سینٹرز (GCCs) ہندوستان  کی تجارتی مانگ کا اہم سہارا بن چکے ہیں۔ جہاں کوریا اور سنگاپور میں کمی دیکھی گئی، وہیں ہندوستان اور جاپان میں لیزنگ مضبوط رہی۔
 ہندوستان ، APAC کا چمکتا ستارہ
CBRE کے ایشیا پیسیفک ریسرچ  اڈا چوئے نے کہا کہ ہندوستان کا دفتری بازار کرایوں میں استحکام اور مانگ میں مضبوطی دکھا رہا ہے، جس کی وجہ سے یہ عالمی سطح کی کمپنیوں کے لیے ایک اسٹریٹیجک(حکمتِ عملی والا)مقام بنتا جا رہا ہے۔ اس کے برعکس، گریٹر چین اور آسٹریلیا جیسے مارکیٹس میں کرایہ داروں کی دلچسپی اور سائٹ دیکھنے میں کمی دیکھی گئی ہے۔ہندوستان کا دفتری ریئل اسٹیٹ مارکیٹ اب صرف مقامی سرمایہ کاری کا مرکز نہیں رہا، بلکہ یہ عالمی کارپوریٹ توسیع (کاروباری پھیلاؤ)کا گڑھ بنتا جا رہا ہے۔
 ٹیکنالوجی کمپنیوں اور گلوبل کیپیبیلٹی سینٹرز (GCCs) کی مضبوط موجودگی، پالیسی میں استحکام، اور اختراع (innovation) کے لیے سازگار ماحول، ہندوستان  کو ایشیا پیسیفک (APAC) خطے میں سب سے پرکشش سرمایہ کاری مقام بنا رہے ہیں۔