بیجنگ: چین کی حکمران کمیونسٹ پارٹی (سی پی سی) کے ارکان کی تعداد 10 کروڑ سے تجاوز کر گئی۔ یہ معلومات پیر کو جاری ہونے والی ایک رپورٹ میں دی گئی۔ سی پی سی کے سنٹرل آرگنائزیشن ڈیپارٹمنٹ (سی او ڈی) کی طرف سے جاری کردہ رپورٹ میں کہا گیا ہے کہ 1921 میں قائم ہونے والی سی پی سی کے 2024 کے آخر تک 10.027 کروڑ سے زیادہ ممبران تھے جو کہ 2023 کے مقابلے میں تقریباً 10.9 لاکھ زیادہ ہیں۔ رپورٹ کے مطابق سی پی سی کے پاس پرائمری سطح کی 52.5 لاکھ تنظیمیں تھیں، جو کہ پچھلے سال کے آخر تک 2024 سے زیادہ ہیں۔

چینی صدر شی جن پنگ کی قیادت میں سی پی سی اقتدار میں موجود چند کمیونسٹ جماعتوں میں سے ایک ہے۔ ویتنام، لاوس، کیوبا اور شمالی کوریا پر حکومت کرنے والی جماعتیں مارکسزم اور سوشلزم کے ساتھ نظریاتی وابستگی کا دعویٰ کرتی ہیں۔ ہانگ کانگ میں قائم ساو¿تھ چائنا پوسٹ نے رپورٹ کیا کہ تجزیہ کاروں کا کہنا ہے کہ پارٹی کے اعلیٰ عملے کے دفتر کی طرف سے سخت جانچ پڑتال کی وجہ سے سی پی سی کی رکنیت میں اضافہ سست رہا ہے۔ گزشتہ سال کی رکنیت کا ڈیٹا یکم جولائی کو پارٹی کی تاسیس کی تقریبات سے ایک دن پہلے جاری کیا گیا تھا۔