دبئی:  یورپی پارلیمنٹ کے  ایک سینئر اہلکار نے ہفتے کے روز کہا کہ ہندوستان کا فی کس کاربن کا اخراج 'انتہائی کم' ہے، ایسے میں اس کو چین اور امریکہ جیسے ممالک سے جوڑنا مکمل طور پر ناقابل قبول ہے۔ جرمنی کے نیتا اور یورپی یونین کے ممبر پیٹر لیسے نے یہاں اقوام متحدہ کے موسمیاتی سربراہی اجلاس کے بعد بات کرتے ہوئے کہا  جب  جرمنی میں لوگوں کے پاس دو کاریں ہیں تو ہندوستانی لوگوں کے پاس بھی ایک کار تو ہونی چاہیے۔ 
فی کس اخراج  کم  ہونے کے باوجود، موسمیاتی سربراہی اجلاس نے ہندوستان کو امریکہ جیسے بڑے اخراج کرنے والوں کے ساتھ ہم آہنگ کرنے کی ٹھوس کوششیں کی ہیں۔ لیز ے نے کہا کہ ہر کسی کے لیے یہ تسلیم کرنا بہت ضروری ہے کہ متحدہ عرب امارات، چین اور امریکہ کا فی کس اخراج... وہ ہندوستان سے بہت  الگ  ہے ۔ سائنسدانوں کے مطابق فی کس اخراج کے چارٹ میں امریکہ سرفہرست ہے، جہاں ہر شخص ملک میں 14.9 ٹن CO2 خارج کرتا ہے۔ اس کے بعد روس (11.4)، جاپان (8.5)، چین (8) اور یورپی یونین (6.2) کا نمبر آتا ہے۔عالمی اوسط 4.7 ٹن رہا ہے۔
یورپ میں بہت سے لوگ چین اور ہندوستان  اور بعض اوقات خلیجی ممالک کو ایک ہی روشنی میں دیکھتے ہیں جو کہ بالکل ناقابل قبول ہے۔ ہندوستان میں فی کس کا اخراج ان ممالک کے مقابلے میں بہت کم ہے۔اس ہفتے کے شروع میں سائنسدانوں کی ایک عالمی ٹیم کی طرف سے جاری کردہ ایک رپورٹ کے مطابق، ہندوستان میں فی کس کاربن ڈائی آکسائیڈ کا اخراج گزشتہ سال تقریبا پانچ فیصد بڑھ کر 2 ٹن کاربن ڈائی آکسائیڈ تک پہنچ گیا، لیکن یہ اب بھی عالمی اوسط کے نصف سے بھی کم ہے۔