انٹرنیشنل ڈیسک:حکومت  ہند نے آج ایک اہم فیصلہ کرتے ہوئے چین کے بعد ترکی کے سرکاری ٹی وی چینل ٹی آر ٹی ورلڈ کے سوشل میڈیا ہینڈل کو بلاک کر دیا ہے۔ اس سے کچھ دیر پہلے ہندوستان نے چین کے پروپیگنڈا ونگ گلوبل ٹائمز کو بلاک کر دیا تھا۔ آٹھ ہزار سے زائد اکاؤنٹس کی فہرست میں شامل ان دونوں سرکاری میڈیا پلیٹ فارمز پر ہندوستان  مخالف اور اشتعال انگیز مواد پھیلانے خصوصا آپریشن سندور  سے متعلق جعلی خبریں شیئر کرنے کا الزام تھا۔
غلط معلومات سے قومی سلامتی کو خطرہ
حکومت کا کہنا ہے کہ ان میڈیا اداروں نے پاک حمایت یافتہ، گمراہ کن خبریں پھیلا کر ملک کے خارجہ تعلقات، سماجی ہم آہنگی اور علاقائی استحکام کو متاثر کیا۔ وزارت داخلہ کی کمیٹی نے ایکس (سابقہ ٹویٹر)کو ہدایت کی کہ وہ TRT اور Global Times  کے ساتھ ساتھ ان  اکاؤنٹس کے ساتھ کو بھی بلاک کرے جن سے  دہشت گردی اور تشدد کو فروغ ملتا ہو۔ 
پاکستان نواز پروپیگنڈہ
 پہلگام میںہونے والے دہشت گردانہ حملے ( جس میں 26 شہریو ںکی موت ہوگئی تھی ) کے جواب میں ہندوستان کی طرف سے 7-8 مئی کو  شروع کئے گئے آپریشن سندور کے بارے میں خبروں  کو ان ہینڈلز پر "جعلی" قرار دیا گیا تھا۔ اس عرصے کے دوران، Trkiye کی TRT World نے بھی یکطرفہ طور پر پاکستان کا ساتھ دیتے ہوئے اسرائیل کی طرف سے یرغمالیوں کی رہائی کے بارے میں من گھڑت خبریں نشر کیں۔ چین کے سرکاری ترجمان گلوبل ٹائمز نے بھی "ہندوستانی جارحیت" کا بہت زیادہ پرچار کیا  تھا، جس  سے ہندوستان اور چین کے تعلقات پر غلط سوالات اٹھائے گئے۔
ترکی کی پاکستان کو کھلی حمایت
آپریشن سندورکے دوران ترکی نے پاکستان کا ساتھ دیا اور اسے اشتعال انگیز قدم قرار دیا۔ ترک وزارت خارجہ نے ہندوستان پر زور دیا کہ وہ تحمل کا مظاہرہ کرے لیکن پاکستانی وزیر اعظم شہباز شریف کو فون کال میں "یکجہتی" کا اظہار بھی کیا۔ انٹیلی جنس ذرائع کا کہنا ہے کہ پاکستان نے ہندوستان کے خلاف ترک ساختہ 'Asis Guard' ڈرون تعینات کیے تھے جنہیں ہندوستانی فوج نے مار گرایا تھا۔ 
ہندوستان  میں#BoycottTurkey  ٹرینڈ
ترکی کے اس رویے سے ملک میں شدید غصہ آیا۔ سوشل میڈیا پر #BoycottTurkey ٹرینڈ کر رہا ہے، لوگ ترک مصنوعات اور سیاحت کا بائیکاٹ کر رہے ہیں۔ بہت سے لوگوں نے یاد دلایا کہ ہندوستان نے 2023 کے زلزلے کے دوران **"آپریشن دوست"** کے تحت ترکی کو امداد بھیجی تھی۔