بزنس ڈیسک: دنیا کی سب سے قیمتی کمپنی ایپل چین کو بڑا جھٹکا دینے جا رہی ہے۔ آئی فون کے بعد کمپنی ایئر پوڈز اور بیٹس ہیڈ فونز کی پیداوار کو بھی چین سے بھارت منتقل کرنے کی تیاری کر رہی ہے۔ ایک رپورٹ کے مطابق، ایپل نے اپنے سپلائرز سے کہا ہے کہ وہ Airpods اور Beats ہیڈ فونز کی کچھ پیداوار چین سے بھارت منتقل کریں۔ 
یہ امریکی ٹیک کمپنی ہندوستان میں آئی فون کی مینو فیکچرنگ میں اضافہ کر رہی ہے۔ یہ پہلے ہی ہندوستان میں آئی فون کے چند ماڈل بنا رہی ہے۔ اس کے ساتھ حال ہی میں لانچ کیے گئے آئی فون 14 کو بھی ہندوستان میں اسمبل کیا جا رہا ہے۔ایپل چین کی سخت لاک ڈاؤن پالیسی اور امریکہ اور چین کے درمیان کشیدگی کے باعث چین پر انحصار کم کرنا چاہتا ہے۔ 
ذرائع کے مطابق کمپنی بھارت میں پیداوار بڑھانے کے لیے کئی سپلائرز سے بات چیت کر رہی ہے۔ آئی فون اسمبل کرنے والی کمپنیFoxconn بھارت میں بیٹس ہیڈ فون بنانے کی تیاری کر رہا ہے۔ بعد میں ایئر پوڈز ہندوستان میں بھی تیار کیے جاسکتے ہیں۔ چین میں ایئر پوڈز بنانے والی کمپنی Luxshare Precision Industry،  بھی ہندوستان میں ایپل کی مدد کے لئے تیار ہے ۔  
کم ہورہی ہے چین ہی حصے داری
آئی فون کے بعد ایپل کی مصنوعات میں AirPods سب سے زیادہ مقبول ہیں۔ سات کروڑ سے زائد یونٹ سالانہ فروخت ہوتے ہیں۔ ایپل نے 2017 میں ہندوستان میں آئی فون کی تیاری شروع کی تھی۔ لیکن گزشتہ سال کمپنی نے ہندوستان میں پیداوار میں اضافہ کیا۔ کمپنی اب یورپ جیسی منڈیوں میں برآمد کرنے کے لیے ہندوستان میں مینوفیکچرنگ کر رہی ہے۔ کاؤنٹرپوائنٹ ریسرچ کے مطابق، ہینڈ سیٹ کی پیداوار میں ہندوستان کی حصے داری   2016 میں تقریبا  9 فیصدی تھی  جو 2021 میں بڑھ کر 16 فیصدی  رہ گئی ہے ۔ 
 اس  دوران چین کی  حصے داری 74 فیصد سے کم ہو کر 67 فیصد پر آ گئی ہے۔آئی ڈی سی کے ٹیک تجزیہ کار جوئے ین نے کہا کہ ہندوستان آنے والے دنوں میں الیکٹرانک پیداوار کے مرکز کے طور پر ابھر سکتا ہے۔ انہوں نے کہا کہ چین نے کئی سالوں تک اپنا تسلط برقرار رکھا اور ہندوستان اس کی کامیابی سے سیکھ رہا ہے۔ ہندوستان عالمی سپلائی چین میں ایک بڑی طاقت بننے کی صلاحیت رکھتا ہے۔ اس کے پاس باصلاحیت انجینئروں کی فوج اور ایک بہت بڑی مقامی مارکیٹ ہے۔
بھارت سے آئی فون کی برآمدا
اپریل  کے بعد سے پانچ مہینوں میں ہندوستان سے آئی فون کی برآمدات 1 بلین ڈالر سے تجاوز کر گئی ہیں۔ ہندوستان میں بنائے گئے آئی فونز بنیادی طور پر یورپ اور مشرق وسطی میں بھیجے جاتے ہیں۔ مارچ 2023 تک  12 ماہ میں یہ تعداد 2.5 بلین ڈالر تک پہنچ سکتی ہے۔ یہ مارچ 2022 تک ہندوستان کی طرف سے برآمد کیے گئے 1.3  ارب  ڈالرمالیت کے آئی فونز سے تقریبا دوگنا ہے۔ تاہم، بھارت آئی فونز کی کل پیداوار کا صرف ایک چھوٹا حصہ بناتا ہے۔ جب کہ 230 ملین آئی فون چین میں بنائے جاتے ہیں، اس وقت بھارت میں صرف 3 ملین آئی فون تیار کیے جاتے ہیں۔ 98 فیصد آئی فون چین میں بنتے ہیں۔