نیشنل ڈیسک: ایودھیا اس وقت روحانیت اور عقیدت سے لبریز ہے۔ دیپ اُتسو  (دیوالی )2025 کے موقع پر بھگوان شری رام کی نگری  ایک دلہن کی طرح سج گئی ہے۔ سریو کنارے اور رام کی پیڑی پر ایک ساتھ 28 لاکھ سے زیادہ دیے جلا کر ایودھیا نے ایک بار پھر گنیز ورلڈ ریکارڈ بنا ڈالا۔ اس موقع پر پوری ایودھیا سنہری روشنی سے نہائی ہوئی دکھائی دی۔
گنیز بک میں درج ہوا نیا ریکارڈ
پچھلا ریکارڈ 26,11,701 چراغوں کا تھا، جسے اس بار توڑ دیا گیا۔ گنیز ورلڈ ریکارڈ کی ٹیم خود ایودھیا پہنچی اور اس شاندار تقریب کو درج کیا۔ دیپ اُتسو کی تیاری مہینوں سے جاری تھی، جس میں 33,000 سے زیادہ رضاکاروں نے اپنا کردار ادا کیا۔ تمام گھاٹوں پر تیل اور بتی سے دیے سجائے گئے، اور شام ڈھلتے ہی پورا سریو کنارہ روشنی سے جگمگا اٹھا۔

https://x.com/ANI/status/1979888809711214768
یوگی آدتیہ ناتھ نے شری رام، سیتا، لکشمن اور ہنومان کا استقبال کیا
وزیراعلی یوگی آدتیہ ناتھ ہیلی کاپٹر کے ذریعے ایودھیا پہنچے۔ انہوں نے رام کتھا پارک میں پشپک ویمان سے پہنچے بھگوان رام، ماتا سیتا، لکشمن اور ہنومان کے روپوں( کو دھارے لوگوں ) کا خیرمقدم کیا۔ اس کے بعد سی ایم یوگی نے اسٹیج سے شری رام کا راج تِلاک کیا اور "جے شری رام" کے نعروں سے پورا رام کتھا پارک گونج اٹھا۔

ملک و بیرون ملک سے پہنچے  عقیدت مند 
اس مقدس موقع پر ملک اور بیرون ملک سے ہزاروں عقیدت مند ایودھیا پہنچے۔ پورا شہر دیوں، پھولوں اور رنگولیوں سے سجا ہوا ہے۔ ہر چوراہے پر جھلملاتی روشنی اور سجاوٹ نے ماحول کو تریتا یگ جیسا بنا دیا ہے۔ 2017 میں شروع ہوا ایودھیا دیپ اُتسو اب عالمی سطح پر اپنی شناخت بنا چکا ہے۔

رام راجیہ کی علامت بنا دیپ اُتسو
رام کی پیڑی کے 56 گھاٹوں پر دیے جلانے کے ساتھ ہی ایودھیا ایک بار پھر "رام راجیہ" کی جھلک دیتا نظر آیا ۔ شری رام جنم بھومی مندر کا احاطہ بھی پھولوں سے سجا ہوا ہے۔ وزیراعلی یوگی آدتیہ ناتھ نے رام للا کے درشن کیے اور اتر پردیش و ملک کے عوام کی خوشحالی کی دعا کی۔

https://x.com/ANI/status/1979884813281878131
"جے شری رام" کے نعروں سے گونجی ایودھیا
دیوں کی روشنی، آرتی کی گونج اور عقیدت کے اس شاندار امتزاج نے پوری ایودھیا کو روحانی روشنی سے بھر دیا۔ عقیدت مندوں نے دیے جلاتے ہوئے بھگوان رام کی عظمت کے گیت گائے۔ ہر کوئی اس تاریخی لمحے کا گواہ بن کر "جے شری رام" کے نعروں میں محو نظر آیا۔