بھارت  میں جائیداد کے حقوق کم سے کم کہنے کے لئے پیچیدہ ہیں۔ اتراکھنڈ ،ہائی کورٹ کا معاملہ ہی لے لیں، جس نے  بھارتیہ ریلوے اور مقامی حکام کو دسمبر 2022  میں  ہلدوانی میں ریلوے کی زمین پر   تجاوزات کو ہٹانے کا حکم دیا تھا۔ اس کا مطلب ہلدوانی میں ریلوے سٹیشن کے  پاس 29ایکڑ  میں پھیلی 4500 عمارتوں کو گرانا تھا۔ حکم نامے کے مطابق    زمین   بھارتیہ  ریلوے کی ہے اور وہاں کے رہائشی زیادہ تر غریب مسلمان ہیں جنہیں زبردستی بے دخل کیا جانا ہے۔
 حالانکہ سپریم کورٹ نے اتراکھنڈ ہائی کورٹ کے حکم پر روک لگا دی ہے۔ دو ججوں کی بینچ نے کہا، ''اس  پر وضاحت کی ضرورت ہے کہ کیا پوری زمین ریلوے کے پاس ہے یا کون سی زمین ریاست کی ہے۔ 50,000لوگوں کو راتوں رات بے دخل نہیں کیا جا سکتا۔''بینچ نے مزید کہا، '' مختلف لوگوں کی بحالی اور حقوق کے   لئے  ایک منصوبہ پر غور کرنے کی ضرورت ہے۔''
جسٹس ایس کے کول نے کہا،'' ہمیں جو   پریشان کر رہا ہے وہ یہ ہے کہ آپ اس  صورتحال سے کیسے نمٹتے ہیں جہاں لوگوں نے  زمین کو نیلامی میںخریدا اور 1947کے بعد اس پر قبضہ کر لیا۔ آپ زمین حاصل کر سکتے ہیں لیکن اب کیا کریں؟ لوگ 60سے 70سالوں تک زندہ رہے۔ ان کے   لئے کچھ بحالی ہونی چا ہئے ۔اس مدعے کو اجاگر  ہونا چاہئے  اور جو   ہو رہا ہے ہم اس کی حوصلہ افزائی نہیں کرتے ہیں۔''
اس معاملے میں اور  بھارت میں  ایسے کئی  معاملوں  میں  قانونی  دلیل کو الگ  رکھتے ہوئے  اس طرح کی بڑے پیمانے پر تباہی اور لوگوں کی نقل مکانی کے عمل  کے بارے میں سوچنے لائق بات ہوسکتی ہے۔ ان انہداموں کا کیا جواز ہے؟ اور یہ  ترقیاتی حل  کوبتا رہا ہے؟ایک انگریزی روزنامے میں پروفیسر سنجے شریواستو لکھتے ہیں، ''بلڈوزر  شہری کرن پر  تنقید صرف خونریزی، لبرل ازم کا معاملہ نہیں ہے۔
 یہ پوچھنے کے بارے میں بھی ہے کہ   شہروں کی تعمیر نو کے  لئے اس نقطہ نظر میں کوئی عوامی بھلائی ہے یا نہیں؟  مبینہ طور پر تجاوزات سے نمٹنے سمکالین  کام -انہدام اور بے دخلی کے ذریعے سے جو خاص طور پر غریبوں کو متاثر کرتے ہیں۔ دونوں عوامی  پالیسی کے طور پر ناکام ہونے کے ساتھ ساتھ پہلے سے ہی کمزور زندگیوں کو ناقابل تلافی نقصان پہنچاتے ہیں۔

 اس میںکسی بھی سطح پر کوئی عوامی بھلائی نہیں ہے کیونکہ  بلڈوزر شہری کرن  کے   اصول سے آگے بڑھتا ہے۔ اس سے بھی بدتر بات یہ ہے کہ یہ کسی بھی طرح سے بہتر شہر کی تعمیر کے مسئلے کا کوئی طویل مدتی حل پیش نہیں کرتا۔ یہ بغیر کسی بامعنیٰ مثبت نتائج کے تعلیمی، مالی اور رہائشی  سکیورٹی(پہلے سے ہی غیر یقینی قدر کی حامل) والی جگہوں سے آبادیوں کو اکھاڑ کر عوامی فلاح و بہبود کی مقدار کو کم کرتا ہے۔ بلڈوزنگ اربن ازم گہرے غیر مساوی شہروں،رہائشی، عوامی انفراسٹرکچر کے حقیقی دنیا کے مسائل کا حل فراہم نہیں کرسکتا ہے۔آبادی کی زبردستی نقل مکانی انسانی ترقی کے خلاف ہے۔
یہ بنیادی انسانی حقوق کی سنگین خلاف ورزی ہے۔ حاصل کرنے والی برادریوں کا تعلق پسماندہ  طبقوں سے ہے اور وہ اپنی بقا اور سماجی نقل و حرکت کی جدوجہد میں برسوں پیچھے چلی گئی ہیں۔ہلدوانی کیس میں سپریم کورٹ نے انسانی رویہ اپنایا۔ بھارت میں بہت سی مثالیں مل سکتی ہیں جب غیر انسانی نقل مکانی کا طریقہ اپنایا گیا ہے۔ 
ہاؤسنگ اینڈ لینڈ رائٹس نیٹ ورک (ایچ ایل آر این) کی طرف سے جاری کی گئی جبری بے دخلی پر تازہ ترین رپورٹ کے مطابق، 2021میں 2لاکھ سے زیادہ لوگوں کو ان کے گھروں سے بے دخل  کردیا گیا تھا اور دیہی اور شہری  بھارت میں تقریباً 1.5 کروڑ لوگ بے گھر ہونے کے خطرے میں رہتے ہیں۔
مختصر یہ کہ متنازعہ زمین کے  نواسیوں کو فی الحال راحت ملی ہے۔ تاہم زمین تنازعہ میں ہے اور اگلی سماعت 7فروری 2023کو مقرر کی گئی ہے۔ جسٹس کول نے سماعت کے دوران اس بات پر زور دیا  ہے کہ مسئلہ کا ایک انسانی پہلو ہے اور اس کا حل تلاش کرنا ہوگا۔ حالانکہ  بھارتیہ  اسٹیبلشمنٹ کو زیادہ سنجیدگی سے طویل مدتی حل پر غور کرنا چاہئے  اور ایسے پروگراموں کو نافذ کرنا چاہئے  جو انتہائی پسماندہ  طبقوں کو سستی رہائش کے اختیارات فراہم کرتے ہیں۔
ان تلخ حقائق کے پیش نظر آج قوم کے سامنے چیلنج یہ ہے کہ کس طرح ایک ایسا نظام  تیار کیا جائے جس میں ہر فرد کے معاشی اور سیاسی حقوق کو مکمل عدم مساوات کے بغیر تحفظ حاصل ہو۔  سماج  میں غریب اور کمزور لوگوں کا استحصال نہیں ہونا چا ہئے ۔ ترقی کے ثمرات  سماج  کے تمام طبقات تک یکساں طور پر پہنچانے  ہوں گے۔ 
ہری جے سنگھ
(hari.jaisingh@gmail.com)