نیویارک : فوربس نے مرکزی وزیر خزانہ نرملا سیتا رمن ، ایچ سی ایل کارپوریشن کی سی ای او اور ایگزیکٹو ڈائریکٹر روشنی نادر ملہوترہ اور بایو کان کی بانی کرن مجومدار شا کو دنیا کی سب سے طاقتور 100 خواتین میں رکھا ہے ۔ انہوں نے برطانیہ کی مہارانی کوین الزابتھ کو بھی پیچھے چھوڑ 34 ویں مقام پر  اپنی جگہ بنائی ہے ۔ 

جرمن چانسلر اینجلا مرکیل پہلے سر فہرست
دنیا کی 100 سب سے طاقتور خواتین کی 2019 کی فوربس فہرست میں جرمن چانسلر اینجلا مرکیل پہلے مقام پر ہیں ۔ دوسرے مقام پر ہیں یوپی سینٹرل بنک کی صدر کرسٹین لے گارد اور تیسرے مقام پر امریکی پارلیمنٹ میں ایوان زیریں ( ہاؤس آف ری پریزینٹیٹوس ) کی صدر نینی پے لوسی  ۔ اس فہرست میں بنگلہ دیش کی وزیر اعظم شیخ حسنہ 29 ویں مقام پر ہیں ۔ 

نرملا سیتا رمن 34 ویں مقام پر 
فوربس کا کہنا ہے کہ 2019 میں دنیا بھر میں خواتین نے آگے بڑھ کر حکومت ، صنعت ، میڈیا اور دیگر شعبوں میں اپنا کردار ادا کیا ہے ۔ سیتا رمن فوربس کی فہرست میں پہلی بار شامل ہوئی ہیں اور وہ 34 ویں مقام پر ہیں ۔ سیتا رمن پہلی  خاتون وزیر ہیں جو آزادانہ طور پر وزارت خزانہ کی ذمہ داری سنبھال رہی ہیں ۔ اس سے پہلے وزیر خزانہ کی ذمہ داری اس وقت کی وزیر اعظم اندرا گاندھی کے پاس رہ چکی ہے ۔ 

اس فہرست میں ایچ سی ایل  کارپوریشن کی سی ای او روشنی نڈا ملہوترہ ، بایو کال کی بانی کرن مجومدار شا کا بھی نام ہے ۔ فہرست میں روشنی نادر ملہوترہ 54 اور کرن مجومدار شا 65 ویں مقام پر ہیں ۔ ایچ سی ایل کارپوریشن کی سی ای او ہونے کے ناطے ملہوترہ 8.9 ڈالر کی کمپنی میں تمام سٹریٹجک فیصلے لینے کیلئے ذمہ دار ہیں ۔ ملہوترہ کمپنی کی سی ایس آر کمیٹی کی صدر اور شو نادر تنظیم کی ٹرسٹی بھی ہیں ۔