نئی دہلی : وزیر خزانہ نرملا سیتا رمن نے  کے شوہر اور آندھر پردیش حکومت کے سابق مواصلاتی صلاحکار پراکلا پربھاکر نے بھی قبول کرلیا ہے کہ ملک کی معیشت کی حالت خراب ہے اور اسے سدھارنے کیلئے مودی حکومت کو ضروری اقدامات اٹھانے چاہئیں ۔ 

ایک انگریزی اخبار میں لکھے آرٹیکل میں پربھاکر نے کہا کہ موجودہ حکومت کے پاس اس بحران سے نپٹنے کیلئے کوئی پالیسی نہیں ہے ۔ انہوں نے لکھا کہ کہ نریندر مودی کی قیادت والی موجودہ حکومت کو پی وی نرسمہا راؤ اور منموہن سنگھ کی پالیسیوں سے سبق سیکھنا چاہئے ۔ 

انہوں نے آرٹیکل میں لکھا کہ مودی حکومت کو راؤ اور منموہن سنگھ کی طرف سے اپنائے گئے اقتصادی ماڈل کو 'گلے لگانا چاہئے '۔ پربھا سال 1991 میں بگڑی معیشت کے لبرلائزیشن کا بھی ذکر کیا ۔ قابل ذکر ہے کہ اس وقت میں پی وی نرسمہا راؤ وزیر اعظم اور منموہن سنگھ وزیر خزانہ تھے ۔