نیشنل ڈیسک: (اسپائس ) مسالہ  بورڈ نے مالی سال 2025-26 کے لیے ایک نئی اور مہتواکانکشی اسکیم  'برآمدی ترقی کے لئے  ترقی پسند، اختراعی اور تعاونی مداخلت کے ذریعے'  مسالہ  شعبے میں پائیداری ( SPICED )  کی شروعات کی ہے ۔  اسکیم کا بنیادی مقصد ہندوستانی مسالہ شعبے میں پائیداری کو بڑھانا، اختراع کو فروغ دینا   اوربرآمدی ترقی کو بڑھانا ہے۔
منصوبے کے مقاصد اور اہم نکات
یہ اسکیم عالمی منڈی میں ہندوستانی مسالوں کو زیادہ مسابقتی بنانے کے لیے متعدد اجزا میں مالی مدد فراہم کرتی ہے۔ اس کے بنیادی مقاصد درج ذیل ہیں:
پیداواری صلاحیت میں اضافہ: چھوٹی اور بڑی الائچی کی پیداواری صلاحیت کو بڑھانا۔
معیار میں سدھار: فصل کاٹنے کے بعد کے عمل کے معیار کو بہتر بنانا۔
ویلیو ایڈڈ مصنوعات کا فروغ: ویلیو ایڈڈ، جی آئی ٹیگ (جغرافیائی اشارے) اور نامیاتی مسالوں  کی پیداوار اور برآمد کو فروغ دینا۔ 
عالمی معیارات کی تعمیل: عالمی فوڈ سیفٹی اور فائٹو سینیٹری(پلانٹ ہیلتھ)کے معیارات کی تعمیل کو یقینی بنانا۔
صلاحیت کی تعمیر: ویلیو چین  سے جڑے  تمام اسٹیک ہولڈرز کی صلاحیت کو بڑھانا۔
درخواست کی آخری تاریخ
اس اسکیم کے لیے آن لائن درخواستیں 26 مئی سے شروع ہوں گی۔
اسپائس ایکسپورٹرز اسکیم کے ایکسپورٹ ڈویلپمنٹ اور پروموشن اجزا کے تحت 30 جون تک درخواست دے سکتے ہیں۔
کسان اور فارمر پروڈیوسر آرگنائزیشنز (FPOs) دیگر زمروں میں ترقیاتی اجزا کے تحت 30 ستمبر تک درخواستیں جمع کر سکتے ہیں۔
کن سرگرمیوں کے لیے  ملے گی مدد ؟
یہ اسکیم کسانوں اور برآمد کنندگان کو کئی اہم سرگرمیوں کے لیے مدد فراہم کرے گی:
باغات کا احیائے نو: پرانے الائچی کے باغات کو دوبارہ لگانا اور ان کی بحالی۔
آبی وسائل کی ترقی: آبی وسائل کی ترقی اورآسان سینچائی نظام کو  فروغ دینا۔
نامیاتی کاشتکاری: نامیاتی کاشتکاری کو فروغ دینا اور اچھے زرعی طریقوں (GAP) کو بڑھانا۔
کٹائی کے بعد جدیدانفراسٹرکچر ( جدید پوسٹ ہارویسٹ انفراسٹرکچر): جدید ڈرائر، سلائسرز، ڈیہولر اور گریڈنگ مشینوں جیسے بہتر کٹائی کے بعد کو قائم کرنے میں مدد۔
ضروری مشینری کی خریداری: کاشتکاروں اور FPOs کو اسپائس پالشر، ہلدی کا بوائلر، پودینہ پیسنے   والا یونٹ اور تھریشنگ مشین  جیسی فصل کے بعد کی ضروری مشینیں  خریدنے کے لیے مالی مدد۔
ایکسپورٹ پروموشن میں تعاون
ایکسپورٹ ڈویلپمنٹ اور پروموشن کے تحت یہ سکیم بین الاقوامی تجارتی میلوں، خریدار بیچنے والے میٹنگز اور مارکیٹ سے رابطہ کے دیگر پروگراموں میں شرکت کرنے میں مدد فراہم کرتی ہے۔ اس میں پہلی بار برآمد کرنے والے چھوٹے کاروباروں کی خصوصی طور پر حوصلہ افزائی کی جائے گی، تاکہ وہ عالمی منڈیوں میں ہندوستانی مسالوں کی نمائش کرسکیں۔
یہ اسکیم ہندوستانی مسالوں کی صنعت کو نئی بلندیوں پر لے جانے اور عالمی مارکیٹ میں اپنی شناخت کو مضبوط کرنے میں اہم کردار ادا کرے گی۔