نئ دہلی:راجدھانی دہلی کے انتخابی نتائج میںعام آدمی پارٹی ایک بار پھر سب سے بڑی پارٹی بن کر آئی ہے۔ اب تک  ملے رجحانا ت میں  اروند کیجریوال کی قیادت میں عام آدمی پارٹی 63 سیٹوں پر برتری بنائے ہوئے ہے اور بی جے پی صرف 7 سیٹوں پر اٹکی ہوئی ہے۔ ابھی تک کے رجحانات سے صاف ہے کہ اروند کیجریوال مسلسل تیسری بار دہلی کے وزیر اعلیٰ بننے جا رہے ہیں۔

چل رہے انتخابی نتائج کے درمیان دہلی بی جے پی صدر منوج تیواری نے منگل کی شام پریس کانفرنس کی۔انہوں نے کہا کہ میں ووٹر وںکا شکریہ ادا کرتا ہوں۔تمام کارکنوں نے بہت محنت کی تھی،ا ن کا شکریہ ۔ انہوں نے کہا میں دہلی انتخابات  میں 'آپ ' کی جیت کے لئے  اروند کیجریوال  اور دہلی کے عوام  کو مبارکباد دیتا ہوں۔ ساتھ ہی  انہوں نے  امید ظاہر کی کہ اروند کیجریوال  دہلی کی توقعات کو پورا کریں گے ۔منوج تیواری نے  کہا کہ  ہم نے کا فی محنت کی ، لیکن محنت ہماری امیدوں پر کھری نہیں اتری ۔' ہم ہار کا جائزہ لیں گے۔ دہلی کی عوام کا جنادیش سر ماتھے پر۔   اگر چہ دہلی میں بی جے پی کا ووٹ فیصد اس بار 2015 کے مقابلے بڑھا ہے اور پارٹی کو 40 فیصد ووٹ ملے ہیں۔

بی جے پی لیڈر نے کہا کہ میرا اندازہ غلط ثابت ہوا ہے، لیکن 48 سیٹوں پر سڑکیں بری ہیں، اسکول اچھا نہیں ہے۔دہلی میں نیا رجحان ہے، اب صرف دو جماعتوں کے درمیان جنگ ہے۔ کانگرس  منظر سے غائب ہو گئی ۔ انہوں نے کہا کہ ہم لوگ نفرت کی سیاست نہیں کرتے۔ سب کا ساتھ سب کا وکاس ہمارا اصول ہے۔مستقبل میں نہیں چاہیں گے کہ 60 دن تک راستہ روکا جا ئے ، وہیں  استعفے کے سوال پر منوج تیواری نے کہا کہ آگے دیکھیں گے۔
بتادیں کہ  منوج تیواری نے دعویٰ کیا  تھا کہ  انکی پاٹی  دہلی میں 45 سے زیادہ سیٹوں پر جیت حاصل کرکے حکومت بنائے گی ، جبکہ خبر لکھے جانے تک بھاجپا کو 7 سیٹیں ملتی ہوئی دکھائی دے رہی ہیں۔