نیشنل ڈیسک: ستمبر میں کریڈٹ کارڈ کے اخراجات میں سال بہ سال 25 فیصد کا مضبوط اضافہ ریکارڈ کیا گیا، جو 6 ماہ میں سب سے زیادہ اضافہ سمجھا جاجارہا ہے ۔ اگرچہ بہت سے بینکوں نے 2024-25 کی جولائی-ستمبر سہ ماہی کے دوران زیادہ کمی دیکھی ہے، فروری کے بعد پہلی بار اخراجات میں اضافہ 20 فیصد سے زیادہ رہا۔
ریزرو بینک آف انڈیا کی طرف سے جاری کردہ تازہ ترین اعداد و شمار کے مطابق، ستمبر میں اخراجات 1.76 ٹریلین روپے تک پہنچ گئے جو ایک سال پہلے کی اسی مدت میں 1.42 ٹریلین روپے تھے۔ اگست 2024 میں کریڈٹ کارڈ کے اخراجات 1.68 ٹریلین روپے تھے۔ وہیں، ماہرین نے اس صحت مند ترقی کی وجہ تہوار کی طلب اور سازگار بنیادی اثر کو قرار دیا ہے۔
ترقی پر تبصرہ کرتے ہوئے،  کیئر ایج ریٹنگ(CareAge Ratings )میں BFSI  ریسرچ کے سربراہ، سوربھ بھلیرا نے کہا کہ کریڈٹ کارڈ کے اخراجات میں اضافہ پچھلے سال  اور تہوار کے موسم میں کم آدھار کی وجہ سے ہوا ۔ آگے دیکھتے ہوئے تہواری سیزن اور متعلقہ پروموشنل سرگرمیوں کی وجہ سے  اکتوبر میں  بھی اخراجات میں بھی اضافہ  دیکھنے کو ملک سکتا ہے ۔
وہیں، موتی لال اوسوال ریسرچ کے تحقیقی تجزیہ کار نتن اگروال نے کہا کہ اس وقت ترقی اچھی لگ رہی ہے۔ تہوار کے سیزن کے ابتدائی آغاز نے مہینے کے دوسرے نصف حصے میں اخراجات میں اضافہ کرنے میں اہم کردار ادا کیا۔ ہمارا اندازہ ہے کہ مالی سال کے دوران  صنعت  کے  اخراجات میں 100 فیصد اضافہ ہوگا اور آنے والے مہینوں کے رجحانات مجموعی رفتار کا اندازہ لگانے کے لیے اہم ہوں گے۔
اس موقع پر خطاب کرتے ہوئے، RBI کے گورنر شکتی کانت داس نے حال ہی میں کہا کہ تہوار کے موسم کی مانگ ہندوستان کی اقتصادی ترقی کے لیے ملے جلے اشارے پیش کرتی ہے۔ تاہم مثبتیت منفیت سے زیادہ ہیں، اور ہندوستانی معیشت معقول حد تک اچھی کارکردگی کا مظاہرہ کر رہی ہے۔
کچھ نجی بینکوں نے جولائی سے ستمبر کے دوران کریڈٹ کارڈ اور مائیکرو فنانس کے شعبوں میں تناؤ  میں اضافے کی اطلاع دی ہے۔  ایکسس بینک کے گروپ کے ایگزیکٹو ارجن چودھری نے پوسٹ ارننگ کال کے دوران کہا کہ  کریڈٹ کارڈ کے مورچے پر جیسا کہ ہم نے گزشتہ کال میں بتایا تھا کہ کچھ طبقے تنا ؤاور قرض کے ابتدائی نشانات دکھا رہے ہیں۔ ساتھ ہی انہوں نے کہا کہ ہم نے نئے کارڈ جاری کرنے کی تعداد محدود کرنے اور اپنے موجودہ پورٹ فولیو پر پابندی لگانے سمیت کئی قدم اٹھائے ہیں۔ 
سب سے بڑے کریڈٹ کارڈ جاری کرنے والے ایچ ڈی ایف سی بینک کے اخراجات ستمبر 35 فیصد بڑھ کر  52,226.59 کروڑ روپے ہو گئے، جوکہ ستمبر  2023  میں 38,661.8 کروڑ روپے  تھا ۔ وہیں، جہاں SBI کارڈز اور ادائیگی کی خدمات کے لین دین  11 فیصد  بڑھ کر 27,714.7 کروڑ روپے ہو گیا  اور ICICI بینک کے کارڈ کے اخراجات 24 فیصد بڑھ کر 31,457 کروڑ روپے  ہوگیا تھا اور ایکسس بینک کے اخراجات 15.1 فیصد بڑھ کر 18,721.9 کروڑ روپے ہو گئے ہیں۔
ستمبر میں اخراجات میں اضافہ ہوا، لیکن کارڈز کی تعداد میں اضافہ سست بنا رہاہے۔ بقایا کریڈٹ کارڈز کی تعداد سال در سال 14 فیصد بڑھ کر ستمبر میں 106.11 ملین ہو گئی، جبکہ ستمبر 2023 میں یہ تعداد 93 ملین تھی۔آخر میں، بتادیں کہ گردش میں کارڈز کی ترقی آہستہ آہستہ کم ہوئی ہے، جنوری 2024 میں تقریبا 20 فیصد سالانہ سے ستمبر 2024 میں 14 فیصد تک ہوگئی ۔