بیجنگ: چین کے ووہان صوبے سے پھیلے  کورونا  وائرس کا خوف پوری دنیا میں دیکھنے کو مل رہا ہے، بھارت سمیت کئی ممالک میں اس جان لیوا وائرس کے معاملے سامنے آ چکے ہیں۔ معلومات کے مطابق کورونا  وائرس کے 81 نئے کیس  چین کے ہوبئی  صوبے سے سامنے آئے ہیں۔ چین میں  کورونا وائرس سے مرنے والوں کی تعداد بڑھ کر 722 ہو گئی ہے، جبکہ34,546 لوگوں میں اس کے انفیکشن کے پائے جانے کی تصدیق ہوئی ہے۔ چین کے قومی صحت کمیشن نے ہفتہ کو ایک بیان جاری کر یہ  جانکاری دی ۔
 چین کے قومی صحت کمیشن کے مطابق سات فروری کی آدھی رات تک اس کو 31 صوبوں سے اطلاع ملی، جس کے مطابق  کورونا وائرس کے 34,546 معاملات کی تصدیق کی جا چکی ہے جن میں سے 6,101 لوگوں کی حالت نازک بنی ہوئی ہے۔ 722 لوگوں کی موت ہو چکی ہے اور2,050 لوگوں کو ہسپتال سے چھٹی دے دی گئی ہے۔
ووہان کے ایک ہی ہسپتال میں 40 نئے کیس
 چین کے ووہان شہر کے ایک ہی ہسپتال میں جنوری میں 40  ہیلتھ افسران کورونا وائرس کی زد میں آ گئے تھے۔ نئی تحقیق میں یہ معلومات سامنے آئی ہے۔ ووہان یونیورسٹی کے جھوگنان ہسپتال میں ڈاکٹروں کی طرف سے لکھے گئے خط کے مطابق مانا جا رہا ہے کہ  سرجیکل محکمہ میں بھرتی ایک مریض کی وجہ  سے 10  ہیلتھ افسران  اس کی زد میں آ گئے۔ یہ خط جمعہ کو جرنل امریکن میڈیکل ایسوسی ایشن میں شائع ہوا ہے۔ دیگر وجوہات ہسپتال میں داخل 17 مریض بھی کورونا وائرس کی زد میں آ گئے۔ ایک جنوری سے 28  جنوری کے درمیان 138 مریض  کورونا وائرس کی زد میں آئے جن میں سے 41 فیصد معاملات اس ہسپتال میں سامنے آئے  ہیں۔