بیجنگ :چین میں مہلک کورونا وائرس سے 28اور افراد کی موت کے بعد مہلوکین کی تعداد بڑھ کر 3,070ہو گئی ہے۔17ممالک میں پھیلے وائرس سے متاثر افراد کی تعداد 80,552ہو گئی ہے ۔ چین کے قومی صحت کمیشن (این ایچ سی)نے کہا کہ اسے گورووار کو چین میں کورونا وائرس کے 143نئے معاملے اور 30سے زیادہ افراد کی موت کی جانکاری ملی ہے۔ این ایچ سی نے جمعہ کو بتایا کہ 30میں سے 29اموت ہیبئی صوبے میں جبکہ ایک شخص کی موت ہینان صوبے میں ہوئی۔
53,726افراد کو علاج کے بعد ملی چھٹی
اس درمیان کمیشن نے کہا کہ 102نئے مشتبہ معاملے سامنے آئے ہیں ، جس سے مشتبہ معاملوں کی تعداد بڑھ کر 428ہو گئی ہے۔ چین میں گورووار تک 80,552افراد کورونا وائرس سے متاثر پائے گئے ہیں ۔ ان میں 3,42افراد کی موت ہو چکی ہے ۔23,784مریضوں کا علاج چل رہا ہے اور 53726افراد کو علاج کے بعد چھٹی دے دی گئی ہے۔
بیرون ممالک سے آئے متاثرین کی تعداد بڑھ کر 36ہوئی
کمیشن نے کہاکہ گورووار کو بیرون ممالک سے آئے 16افراد کورونا وائرس سے متاثر پائے گئے ہیں۔ ان میں سے 11افراد گانسو صوبے میں،چار افراد بیجنگ میں اور ایک شخص شنگھائی میں اس وائرس سے متاثر پایا گیا ہے ۔ کمیشن نے بتایا کہ اس کے ساتھ ہی غیر ممالک سے آئے متاثرو ں کی تعداد بڑھ کر 36ہو گئی ہے ۔