نئی دہلی: کانگرس کے سینئر لیڈر پی چدمبرم نے پاکستانیوں کو شہریت دینے کو لے کر  اپوزیشن پارٹی  کو کئے گئے چیلنج کے سلسلے میں وزیر اعظم نریندر مودی پر بدھ کو حملہ بولا۔سابق مرکزی وزیر چدمبرم وزیر اعظم کی اس تبصرہ پر رائے دے رہے تھے جس میں مودی نے اپوزیشن کانگرس کو عوامی طور پر یہ اعلان کرنے کا چیلنج کیا تھا کہ  وہ (کانگرس ) عوامی طور پر اعلان کرے کہ وہ  تمام پاکستانیوں کو بھارتی شہریت دینے کے لئے تیار ہے۔

چدمبرم نے پوچھا، ہم ان لوگوں کو شہریت کیوں دیں گے جو پہلے سے ہی پاکستان کے شہری ہیں؟ اپوزیشن کو اس طرح کے چیلنج دینے کا کیا مطلب ہے۔کانگرس لیڈر نے کہا، یہ خوشگوار ہے کہ نوجوان نسل اعتدال پسند، سیکولر، روادار ہے اور انسانیت کی صفات دکھاتی ہے۔ کیا یہ حکومت ان اقدار کو چیلنج کر رہی ہے۔ 

واضح رہے کہ، وزیر اعظم مودی نے جھارکھنڈ میں ایک انتخابی ریلی میں کہا تھا، میں بہادروں کی اس زمین سے کانگرس اور اس کے ساتھیوں کو کھلا چیلنج دیتا ہوں ، اگر ان میں ہمت ہے، تو وہ سرعام اعلان کریں کہ وہ تمام پاکستانیوں کو شہریت دینے کے لئے تیار ہیں۔