نئی دہلی: کانگرس نے کئی دہشت گردوں کو اپنے ساتھ لے کر جاتے ہوئے گرفتار کئے گئے دویندر سنگھ کو لے کر پیر کو سوال کیا کہ پارلیمنٹ اور پلوامہ میں ہوئے حملوں میں اس افسر کا کیا کردار تھا اور کیا وہ ایک بڑی سازش  محض ایک پیادہ  ہے۔پارٹی کے مرکزی ترجمان رندیپ سرجیوالا نے ٹویٹ کر کہا کہ دیویندر سنگھ کون ہے؟ 2001کے پارلیمنٹ حملے اور پلوامہ حملے میں اس کا کیا کردار تھا؟ جہاں وہ پولیس ڈپٹی سپرنٹنڈنٹ تھا۔
انہوں نے سوال کیا، کیا وہ حزب المجاہدین کے  دہشت گردوں کو خود لے کر جا رہا تھا یا صرف ایک پیادا ہے اور بڑے سازشی کہیں اور ہیں؟ کیا ایک بڑی سازش ہے؟ جموں و کشمیر پولیس کے سینئر افسر دویندر سنگھ کو دو دہشت گردوں کو ان کی گاڑی میں وادی کشمیر لے جانے کے الزام میں گرفتار کر لیا گیا ہے۔کشمیر پولیس کے انسپکٹر جنرل (آئی جی) وجے کمار نے اتوار کو کہا کہ یہ غیر معمولی  جرم ہے اور دویندر سنگھ کے ساتھ دہشت گردوں جیسا ہی سلوک کیا جا رہا ہے اور تمام سیکورٹی ایجنسیاں مشترکہ طور پر اس سے پوچھ گچھ کر رہی ہیں۔