بیجنگ: چین کے شہر چینگدو میں اندرونی سجاوٹ کی ایک کمپنی نے انوکھا قدم اٹھاتے ہوئے ایک بند پڑے سوئمنگ پول کو دفتر میں تبدیل کر دیا۔ یہ انوکھا دفتر نہ صرف دیکھنے میں پرکشش ہے بلکہ اب سوشل میڈیا پر بھی موضوع  بحث ہے۔ لبان نامی ایک انٹیریئر ڈیکوریشن کمپنی کے ملازمین اب ہر روز سوئمنگ پول کی سیڑھیوں سے نیچے اتر تے ہیں اور ' ڈیپ اینڈ 'میں  جاکر بیٹھتے ہیں۔  پرانے تالاب کے ڈیزائن میں زیادہ تبدیلی نہیں کی گئی ہے۔ دیواروں پر اب بھی "سوئمنگ ایریا" اور "گہرے پانی کا علاقہ 1.55 میٹر" جیسے بورڈ لگے ہوئے ہیں۔

https://x.com/MatTrang911/status/1942630565791900067
پول کے اندر پانچ قطاروں میں آٹھ ڈیسک لگائے گئے ہیں۔ کمپیوٹر اور ضروری دفتری سامان ہر میز پر موجود ہے۔ فرش پر نصب ساکٹ اور ایکسٹینشن کیبلز کے ذریعے بجلی فراہم کی جا رہی ہے۔ ایک ملازم نے کہا کہ ایسا محسوس ہوتا ہے کہ میں کسی سائنس فکشن فلم کے سیٹ پر کام کر رہا ہوں۔ یہ عجیب ہے، لیکن بہت ٹھنڈا بھی ہے۔
اس انوکھے دفتر کی تصاویر اور ویڈیوز سوشل میڈیا پر وائرل ہوگئیں۔ کچھ صارفین نے اس کی تخلیقی صلاحیتوں کی تعریف کی ہے۔ وہیں، بہت سے لوگوں نے حفاظت کے بارے میں تشویش کا اظہار کیا ہے۔  ایک صارف نے لکھا کہ یہ بہت اچھا تجربہ ہے۔ ایک اور نے سوال کیا کہ یہاں فائر الارم اور ایمرجنسی ایگزٹ کہاں ہے؟ ڈیکوریشن کمپنی کی یہ پہل  لوگوں کو حیران کر سکتی ہے لیکن اس سے ظاہر ہوتا ہے کہ دفتر کی جگہ کو نیا اور مختلف بنانے کی کوششیں اب تخلیقی صلاحیتوں کی ہر حد کو پار کر رہی ہیں۔