بیجنگ: عالمی سطح پر یہ الزام برداشت کرنے کے بعد کہ چین برآمدات پر زیادہ اور درآمدات پر کم توجہ دیتا ہے، چین نے ایک بڑا پالیسیاتی تبدیلی کا اعلان کیا ہے۔ چینی حکومت نے کہا ہے کہ وہ 2026 سے 935 اشیاء  پر درآمدی محصول کم کرے گی، جو موجودہ  'موسٹ فیورڈ نیشن'  شرحوں سے بھی کم ہوں گے۔ چین کی اسٹیٹ کونسل کے کسٹمز ٹیرف کمیشن نے بتایا کہ یہ نیا نظام یکم جنوری 2026  سے نافذ ہوگا۔ اس کا مقصد اندرونی اور بین الاقوامی منڈیوں کے درمیان بہتر ہم آہنگی پیدا کرنا اور اعلی معیار کی مصنوعات کی فراہمی میں اضافہ کرنا ہے۔
سرکاری خبر رساں ایجنسی شنہوا کے مطابق، چین جدید تکنیکی خود کفالت کو فروغ دینے کے لیے اہم پرزہ جات اور جدید مواد پر ٹیرف کم کرے گا۔ اس کے علاوہ، سبز ترقی کی حمایت کے لیے کچھ قدرتی وسائل اور عوامی فلاح سے وابستہ طبی مصنوعات، جیسے مصنوعی خون کی نالیاں، پر بھی محصول کم کیا جائے گا۔ چین 2026 میں اپنے ٹیرف ڈھانچے کو مزید جدید بنائے گا۔ ذہین بایونک روبوٹس، بایو ایوی ایشن کیروسین اور دائرہ جاتی معیشت سے وابستہ مصنوعات کے لیے نئی قومی ذیلی درجہ بندیاں شامل کی جائیں گی۔
سرکاری اعداد و شمار کے مطابق، چین کی مجموعی غیر ملکی تجارت 5.82  ٹریلین ڈالر تک پہنچ گئی ہے، جس میں برآمدات3.46  ٹریلین ڈالر اور درآمدات2.37  ٹریلین ڈالر رہیں۔ طویل عرصے سے چین پر یہ الزام لگایا جاتا رہا ہے کہ وہ دنیا کو زیادہ برآمد کرتا ہے، لیکن درآمدات نسبتا کم کرتا ہے۔ اس کے ساتھ ہی، چین 2026 میں بھی اپنے 34 تجارتی شراکت داروں کے ساتھ چوبیس آزاد تجارتی معاہدوں کے تحت رعایتی ٹیرف جاری رکھے گا۔ سب سے اہم بات یہ ہے کہ چین 43 کم ترین ترقی یافتہ ممالک کو 100فیصد ٹیرف لائنوں پر صفر محصول کی سہولت بھی برقرار رکھے گا۔