بیجنگ: چائنا-انڈین اوشین ریجن ڈیولپمنٹ کوآپریشن فورم (سی آئی او آر ایف) کی دوسری میٹنگ میں موسمیاتی معلومات اور پیشن گوئی کے نظام پراجیکٹ شروع کرنے اور اس تزویراتی لحاظ سے اہم خطے کے ممالک میں روزی روٹی کا منصوبہ چلانے کی تجویز پیش کی گئی ہے۔ چین نے 'چائنا انٹرنیشنل ڈویلپمنٹ کوآپریشن ایجنسی' (سی آئی ڈی سی اے) کے زیراہتمام CIORF کا دوسرا اجلاس 7 اور 8 دسمبر کو جنوبی چین کے شہر کنمنگ میں منعقد کیا ہے۔ سی آئی ڈی سی اے ایک ایسی تنظیم ہے جو حکمران چینی کمیونسٹ پارٹی لیڈر شپ گروپ کا حصہ ہے۔ CIDCA کے سربراہ Luo Zhaohui، سابق وزیر خارجہ اور ہندوستان میں چین کے سفیررہ چکے ہیں۔

 سی آئی ڈی سی اے نے میٹنگ سے پہلے کہا تھا کہ چین سے تقریباً 300 مہمان اور 20 سے زیادہ دیگر ممالک اور بین الاقوامی تنظیمیں اس تقریب میں شرکت کریں گی۔ لیکن اس نے اس اجلاس میں شرکت کرنے والے ممالک کی فہرست جاری نہیں کی۔ گزشتہ سال ہونے والی میٹنگ میں بھارت کو مدعو نہیں کیا گیا تھا۔ یہاں کے عہدیداروں کا کہنا ہے کہ وہ نہیں جانتے کہ اسے اس بار بھی بلایا گیا ہے یا نہیں۔ میٹنگ کے بعد سی آئی ڈی سی اے کی طرف سے جاری کردہ ایک مشترکہ بیان میں کہا گیا ہے کہ ان میں اقوام متحدہ کے ترقیاتی پروگرام کے تعاون سے موسمیاتی معلومات اور پیشن گوئی کے نظام کا منصوبہ شروع کرنا اور بحر ہند کے علاقے (آئی او آر) کے ممالک کے لیے روزی روٹی کے چھوٹے منصوبے چلانا شامل ہیں۔

,
?