لکھنؤ: بی جے پی اور کانگرس پر گندی سیاست اور ایک ہی  تھالی  کے چٹے بٹے ہونے کا الزام لگاتے ہوئے بہوجن سماج پارٹی (بی ایس پی) سربراہ مایاوتی نے بدھ کو کہا کہ ملک میں خوف اور کشیدگی کا ماحول ہے۔انہوں نے کہا کہ ملک کی صورتحال کانگرس کے وقت سے بھی زیادہ خراب ہو گئی ہے۔بی جے پی اس سے بھی دو قدم آگے ہے۔ملک کی معیشت خراب ہو گئی ہے اور کشیدگی اور خوف کا ماحول ہے۔
اپنی 64 ویں سالگرہ پر بدھ کی صبح صحافیوں سے بات کرتے ہوئے مایاوتی نے کہا، '' بی ایس پی ڈسپلن اور کیڈر پر مبنی پارٹی ہے جو پرامن احتجاج پر یقین رکھتی ہے، لہٰذا ہمارے کارکن شہریت  ترمیمی قانون ( سی اے اے )کے خلاف مزاحمت کرنے کے لئے سڑکوں پر نہیں اترے بلکہ ہماری پارٹی نے لوک سبھا اور راجیہ سبھا میں اس کی مخالفت کی اور اس کی  مخالفت میں ووٹ بھی کیا۔ بی جے پی اور کانگرس پر ایک ہی پلیٹ کے چٹے بٹے ہونے کا الزام لگاتے ہوئے انہوں نے کہاکہ  بی جے پی اور کانگرس جھوٹ کی گھنونی  اور گندی سیاست کر رہی ہیں۔ملک میں خوف اور کشیدگی کا ماحول ہے۔بی جے پی کو اپنے ترقی کے وعدے پر کام کرنا چاہئے۔ بی جے پی کانگرس کے نقشے قدم پر چل رہی ہے۔
اپنی 21 منٹ  کی پریس کانفرنس میں ایک بار بھی سماج وادی پارٹی (ایس پی)کا نام نہ لینے کے سوال پر انہوں نے کہا، '' آج ہم صرف مرکز کی سیاست پر بات کر رہے ہیں۔ انہوں نے کہا کہ بی جے پی، کانگرس کی تنقید چھوڑ کر ملک کے مفاد اور غربت ہٹانے کا کام کرے تو زیادہ بہتر رہے گا۔انہوں نے کہا کہ  شہریت ترمیمی  قانون ان تمام کمیونٹی کے لوگوں پر لاگو ہونا چاہئے، جن پر ظلم-زیادتی ہوئی ہے۔انہوں نے کہا کہ حکومت کی غلط پالیسیوں کی وجہ سے ملک بھر میں بدامنی اور امن و امان بگڑ گئی ہے، جو باعث تشویش موضوع ہے۔  بی جے پی حکومت اگر کانگرس کے راستے پر چلتی رہی تو آہستہ آہستہ دیگر ریاستوں کا اقتدار بھی اس کے ہاتھ سے چلا جائے گا ۔