نئی دہلی : کوئی اینگری مین کہتا ہے ، کوئی سدی کا مہانائیک ، کوئی بگ بی تو کوئی شہنشاہ، ان کے جتنے مداح ہیں اتنے ہی نام ہیں ۔ ویسے میں وہ 'رشتے میں سب کے باپ لگتے ہیں '۔ ہم بات کررہے ہیں ہندی سنیما کے شہنشاہ امیتابھ بچن کی ۔ ہندوستانی سنیما کی تاریخ میں بہت بڑا مقام رکھنے والے ہر دلعزیز اداکار امیتابھ بچن کا یوم پیدائش 11 اکتوبر کو ہی ہوا تھا ۔ امیتابھ نے 1969 میں فلم سات ہندوستانی سے اپنے کریئر کا آغاز کیا تھا ۔ بہت کم لوگ جانتے ہیں کہ راجیو گاندھی اور امیتابھ بچن کی دوستی کے علاوہ ان کے پریوار کے درمیان بہت نزدیکیاں تھیں ۔ امیتابھ بچن کی ماں تیجی بچن اور راجیو گاندھی کی ماں سابقہ وزیر اعظم اندرا گاندھی کے درمیان بھی گہری دوستی تھی ۔
اندرا گاندھی کی وجہ سے ملی پہلی
خبروں کے مطابق ممبئی آتے وقت ان کے پاس اندرا گاندھی کا لکھا ہوا سفارشی خط بھی تھا ۔ جس کی بدولت انہیں کے اے عباس کی فلم 'سات ہندوستانی' میں کام ملا ۔ اس فلم کے لئے انہیں نیشنل ایوارڈ بھی ملا ۔ کیریئر کے آغاز میں امیتابھ بچن مشہور مذاحیہ اداکار ، ڈائریکٹر اور پروڈیوسر محمد کے گھر رہے تھے اور بعد میں انہوں نے محمود کی فلم 'بامبے ٹو گوا' میں بھی کام کیا تھا ۔
آواز کو لے کر کھانی پڑیں کئی ٹھوکریں
اپنے کیریئر کے شروعاتی دنوں میں انہیں وہ دن بھی دیکھنا جب ان کی آواز لوگوں کو نکار دیا تھا ۔ کیریئر کے آغاز میں امیتابھ بچن نے 'آکاشوانی' میں بھی ایناؤنسر (اعلان کرنے والا) کے عہدے کیلئے عرضی دی تھی لیکن وہاں کام کرنے کا موقع نہیں ملا ۔ یہاں تک کہ فلم 'ریشما' اور 'شیرا' میں اپنی آواز کے باوجود انہیں خاموش کردار بھی قبول کرنا پڑا ۔ امیتابھ بچن اپنے کیریئر میں کئی سپر ہٹ فلمیں کر چکے ہیں ۔ جن میں سے لگ بھگ 12 فلموں میں انہوں نے ڈبل رول کیا ۔ یہی نہیں ایک فلم میں انہوں نے ٹرپل روڈ بھی کیا ۔ سال 2003 میں امیتابھ بچن کو فرانس کے ڈیوویلے شہر کی شہریت بھی دی گئی جو کسی بھی بیرون ملک کیلئے بیحد نایاب کہی جاتی ہے ۔