بھوپال :وزیر داخلہ امت شاہ نے شہریت ترمیمی قانون   ( سی اے اے ) کو لے کر کانگرس پر نشانہ لگایا ہے۔ انہوں نے کہا ہے کہ کانگرس والوں کان کھول کر سن لو، جتنی مخالفت کرنی ہے کرو، ہم سارے لوگوں کو شہریت دے کر ہی دم لیں گے۔بھارت پر جتنا حق میرا اور آپ کا ہے، اتنا ہی حق پاکستان سے آئے ہوئے  پناہ گزینوں کا بھی ہے۔امت شاہ نے مدھیہ پردیش کے جبل پور میں ایک ریلی سے خطاب کرتے ہوئے اتوار کو یہ بات کہی۔

 انہوں نے کہا کہ  آج سارے  کانگرسی پورے ملک میں  سی اے  اے کی مخالفت کر رہے ہیں،جبکہ مہاتما گاندھی نے کہا  تھا کہ  پاکستان ، افغانستان اور بنگلہ دیش  سے اگر کوئی ہندو  مذہبی تشدد کی  وجہ سے  بھارت آئے تو اس کو  شہریت  دے دینا ، کیونکہ وہ لوگ بھی تمہارے ہی بھائی ہیں۔ امت شاہ  نے کہا کہ کیا راہل گاندھی مہاتما گاندھی کی بھی نہیں سنو گے۔ مہاتما  گاندھی کو تو کب کا آپ نے چھوڑ دیا ہے۔
انہوں نے کہا کہ کانگرس والوں کان کھول کر سن لو، جتنی مخالفت کرنی ہے کرو، ان  سارے لوگوں شہریت دے کر ہی ہم دم لیں گے۔ بھارت پر جتنا حق میرا اور آپ کا ہے، اتنا ہی حق پاکستان سے آئے ہوئے پناہ گزینوں کا ہے۔ وہ بھارت کے بیٹا- بیٹی ہیں، وہ ہمارے بھائی ہیں۔

امت شاہ نے کہا کہ  پر بی جے پی ایک بڑے پیمانے بیداری مہم چلا رہی ہے۔یہ بیداری مہم بی جے پی اس لئے چلا رہی ہے کیونکہ کانگرس پارٹی، کیجریوال، ممتا بنرجی، کمیونسٹ یہ تمام جمع ہوکر ملک کو گمراہ کر رہے ہیں۔انہوں نے کہا کہ ' آج میں بتانے آیا ہوں کہ سی اے اے کسی کی شہریت چھیننے   کا نہیں ڈ شہریت دینے کا قانون ہے۔