نئی دہلی: امریکی صدر ڈونالڈ ٹرمپ کے کشمیرمسئلہ پر ثالثی کے بیان پر وزارت خارجہ کے ترجمان رویش کمار نے آج کہا کہ کشمیر پر ہمارا موقف واضح ہ۔۔ہم پھر سے صاف کرنا چاہتے ہیں کہ اس معاملے میں کسی بھی تیسرے ملک کو دخل دینے کی ضرورت نہیں ہے

رویش کمار نے کہا، اگر پاکستان ہندوستان  کے ساتھ پرامن تعلقات چاہتا ہے تو سازگار ماحول بنانے کی بات ہے۔دہشت گرد تنظیموں کے خلاف کیوں ایکشن نہیں لے پا رہے ہیں۔ہمیں ہمیشہ لگتا ہے کہ وہ بین الاقوامی برادری کو ورغلانے کے لئے اس طرح کا بیان دینا پسند کرتے ہیں۔

بتا دیں کہ سوئٹزرلینڈ کے داووس میں پاکستانی وزیر اعظم عمران خان نے امریکی صدر ڈونالڈ ٹرمپ سے ملاقات کی تھی۔دونوں رہنماؤ ں کی یہ ملاقات ورلڈ اکنامک فورم (ڈبلیو ای ایف )سے الگ ہوئی۔اس دوران دونوں رہنماؤں نے دو طرفہ کاروبار کے علاوہ مسئلہ کشمیر پر بھی بات چیت کی۔اس دوران امریکی صدر ٹرمپ نے کہا تھا کہ وہ کشمیر کے حالات پر قریبی نظر بنائے ہوئے ہیں۔اس دوران ٹرمپ  کشمیر ثالثی بننے کی بھی  پیشکش کی۔