نیشنل ڈیسک:جادو پور یونیورسٹی کی ایک طالبہ نے کانووکیشن میں اپنی ڈگری حاصل کرنے کے دوران  شہریت  ترمیمی قانون( سی اے اے )کاپی پھاڑ کر احتجاج  جتایا۔ طالبہ  نے کہا کہ اس متنازعہ قانون کی مخالفت کرنے کا اس کا یہی طریقہ ہے۔
اس پورے واقعہ کا ویڈیو سامنے آیا ہے جس میں طالبہ شہریت ترمیمی قانون کی کاپی پھاڑتے ہوئے کہتی ہے کہ ہم کاغذ نہیں دکھائیں گے، انقلاب زندہ باد۔ گولڈ میڈلسٹ دیبوسمتا چودھری نے کہا کہ اس نے سی اے اے کی دستاویزات کو کوڑے  میں ڈالنے کا اس لئے  انتخابات کیا کیونکہ یہ سچے شہری کو اپنی شہریت ثابت کرنے کے لئے پابند کرتا ہے۔اس دوران اسٹیج پر وائس چانسلر اور رجسٹرار موجود تھے۔

https://twitter.com/rinse_kurian/status/1209472969497444352?ref_src=twsrc%5Etfw%7Ctwcamp%5Etweetembed%7Ctwterm%5E1209472969497444352&ref_url=https%3A%2F%2Fwww.punjabkesari.in%2Fnational%2Fnews%2Fa-copy-of-the-caa-torn-by-a-student-who-came-to-take-a-degree-1102121
چودھری نے کہا کہ کوئی شک نہیں رہنا چاہئے، میں جا دو پور یونیورسٹی کے تئیں کوئی توہین نہیں دکھا رہی ہوں،اس  پسندیدہ انسٹی ٹیوٹ سے یہ ڈگری ملنے پر میں فخر محسوس کر رہی ہوں،لیکن میں نے سی اے اے کے خلاف اپنا احتجاج درج کرانے کے لئے اس پلیٹ فارم کا انتخاب کیا۔میرے ساتھی کانووکیشن پنڈال کے دروازے پر دھرنے پر بیٹھے ہیں۔
طالبہ نے کہا کہ اس کے کچھ دوستوں نے سی اے اے  کی مخالفت میں وائس چانسلر سے ڈگری لینے سے انکار کر دیا۔ایک اور طالب علم آرکوپروبھو داس نے کہا کہ اس کے 25 ہم جماعت ساتھی اپنی ڈگریاں لینے اسٹیج پر نہیں پہنچے۔دن میں مظاہرین نے کانووکیشن میں شرکت کے لئے پہنچے مغربی بنگال کے گورنر جگدیپ دھن کھڑ کو یونیورسٹی میں داخل ہونے سے روکا۔