کابل: افغانستان میں شدید بارش اور طوفان کے باعث آنے والے بڑے سیلاب، لینڈ سلائیڈنگ (زمین کھسکنے ) اور آسمانی بجلی گرنے سے گزشتہ دس دنوں میں77  افراد ہلاک اور 137  زخمی ہوئے ہیں۔ ملک کے آفت انتظامیہ کے حکام نے ہفتہ کے روز یہ جانکاری دی۔

آئندہ دنوں میں مزید بارش کا خطرہ
 افغانستان میں آنے والے دنوں میں مزید بارش کی پیشینگوئی ہے اور حکام نے عوام کو دریا کے کناروں اور سیلاب کے امکان والے علاقوں سے دور رہنے کی ہدایت دی ہے۔ اس سال اب تک افغانستان میں خراب موسم کے باعث درجنوں افراد ہلاک ہو چکے ہیں۔

شدید نقصان، سینکڑوں مکانات تباہ
 آفت انتظامیہ کے حکام نے کہا کہ حالیہ ہلاکتوں کے اعداد و شمار میں گزشتہ 48 گھنٹوں میں ہلاک ہونے والے 26افراد شامل ہیں۔ مجموعی طور پر793  مکانات مکمل طور پر تباہ ہو گئے ہیں اور دو ہزار 673 دیگر مکانات نقصان پہنچا ہے، جبکہ سیلاب اور زمین کھسکنے نے 337 کلومیٹر سڑکیں تباہ کر دی ہیں۔