کراچی/حیدرآباد : پاکستان کے سندھ صوبے میں ایک غیر قانونی اور عارضی طور پر بنائی گئی پٹاخے بنانے والی فیکٹری میں دھماکہ ہونے سے کم از کم سات افراد ہلاک اور کئی زخمی ہو گئے ہیں۔

یہ خوفناک دھماکہ ہفتہ کی رات حیدرآباد شہر کے لطیف آباد علاقے میں ایک غیر لائسنس یافتہ پٹاخہبنانے والے فیکٹری میں ہوا۔ ریسکیو 1122 کے ترجمان نے ایک بیان میں کہا کہ یہ ایک زوردار دھماکہ تھا جو لغاڑی گوٹھ ندی کے کنارے واقع فیکٹری میں ہوا۔ دھماکے کے بعد گھر کا ایک حصہ گر گیا، جس میں ایک کمرہ اور باونڈری دیوار شامل ہیں۔ حکام نے بتایا کہ اب تک سات لاشیں ملبے سے نکالی جا چکی ہیں۔

اس کاروبار کی حقیقت: لطیف آباد کے اسسٹنٹ کمشنر سعود لونڈ نے میڈیا کو تصدیق کی کہ یہ پٹاخے غیر قانونی طور پر بنائے جا رہے تھے۔ فیکٹری کا مالک اسد زئی تھا، جسے لائسنس کسی اور جگہ کے لیے جاری کیا گیا تھا۔ اسسٹنٹ کمشنر نے مزید بتایا کہ مالک اس وقت فرار ہے اور فیکٹری کے لائسنس کی تفصیلات کی تصدیق کی جا رہی ہے۔
سنگین چوٹیں اور بچوں کا خدشہ: ریسکیو ٹیم کے ترجمان نے بتایا کہ ملبے کے نیچے کچھ لوگ اور بچے پھنسنے کا خدشہ ہے جو وہاں کام کر رہے تھے۔ دھماکے میں زخمی ہونے والے چھ افراد میں سے تین کی حالت نازک ہے کیونکہ انہیں 98 فیصد چوٹیں آئی ہیں۔ ریسکیو ٹیم کے ترجمان نے کہا کہ دھماکے کا اصل سبب بچاو¿ کے کام مکمل ہونے کے بعد معلوم ہو گا۔

قابل ذکر ہے کہ اسی سال اگست میں بھی کراچی میں ایک غیر قانونی پٹاخے بنانے والی فیکٹری میں ایسا ہی دھماکہ ہوا تھا، جس میں دو افراد ہلاک اور 33 زخمی ہوئے تھے۔ اس حادثے کے بعد، سندھ کے وزیراعلیٰ مراد علی شاہ نے رہائشی علاقوں میں اس طرح کے غیر قانونی کاروبار کے انتظام کی جانچ کے احکامات دیے تھے۔