چنڈی گڑھ: گزشتہ روز دنیا کو الوداع کہنے والی پنجاب کی105 سالہ فاسٹ رنر مان کور کا آج انتم سنسکار  کر دیا گیا۔ خاندان اور رشتہ داروں کی جانب سے مان کور کی لاش کو چنڈی گڑھ کے سیکٹر 25 میں واقع شمشان گھاٹ میںانتم سنسکار کیا گیا۔ اس موقع پر سب کی آنکھیں نم ہوئیں اور خاندان گہرے صدمے میں ڈوبا ہوا دکھائی دیا۔

93 سال کی عمر میں دوڑنا کیاتھا شروع
مان کور اور اس کے شوہر نے 1960 کی دہائی میں پٹیالہ سے چنڈی گڑھ منتقل کیا اور 93 سال کی عمر میں ایتھلیٹکس کا آغاز کیا۔ اپنے بیٹے گوردیو سنگھ کے اصرار پر ، اس نے دوڑ نا شروع کیااور 2007 میں چنڈی گڑھ ماسٹرز ایتھلیٹکس میٹ میں اپنا پہلا تمغہ جیتا۔

اس کے بعد انہوں نے 2011 میں نیشنل ماسٹرز ایتھلیٹکس میٹ میں 100 میٹر کے ساتھ ساتھ 200 میٹر میں سونے کا تمغہ جیتا۔ اسی سال وہ امریکہ میں ورلڈ ماسٹرز ایتھلیٹکس چیمپئن شپ میں 100 اور 200 میٹر میں چیمپئن بنی اور انہیں بہترین کھلاڑی کے طور پر بھی منتخب کیا گیا۔ 2017 میں آکلینڈ میں ورلڈ ماسٹرز ایتھلیٹکس چیمپئن شپ میں 100 سے زائد عمر کے گروپ میں 100 میٹر چیمپئن بننے میں ان کی کامیابی نے انہیں سرخیوں میں لادیاتھا۔