واشنگٹن: وائٹ ہاؤس نے کہا ہے کہ H-1B ویزا درخواست پر100,000  ڈالر(تقریبا 83  لاکھ)کی اضافی فیس لگانا "نظام کے غلط استعمال کو روکنے اور امریکی ملازمین کو ترجیح دینے کی سمت میں ایک اہم قدم" ہے۔ یہ ردعمل IANS کو موصول ہونے والے ایک خصوصی بیان میں دیا گیا۔ وائٹ ہاؤس کی ترجمان ٹیلر روجرز نے کہا کہ صدر ڈونالڈ ٹرمپ نے امریکی تاریخ میں کسی بھی جدید صدر کے مقابلے میں امیگریشن قوانین کو سخت کرنے کے لیے زیادہ کام کیا ہے اور امریکی ملازمین کو ترجیح دی ہے۔ انہوں نے مزید کہا کہ یہ اضافی فیس امریکی مزدوروں کی جگہ کم اجرت پر غیر ملکی ملازمین کو رکھنے کے مسئلے کو ختم کرنے کے لیے ابتدائی بڑا قدم ہے۔
پروجیکٹ فائر وال کی شروعات
ٹیلر روجرز نے یہ بھی بتایا کہ محکمہ محنت نے حال ہی میں "پروجیکٹ فائر وال" نامی ایک تحقیقاتی مہم شروع کی ہے، جس کا مقصد H-1B ویزا قوانین کی خلاف ورزی کرنے والی کمپنیوں کی جانچ کرنا ہے۔ انہوں نے کہا کہ ہم یہ یقینی بنا رہے ہیں کہ ویزا صرف ہائی اسکِل ماہرین کے لیے ہوں، نہ کہ سستے مزدور لانے کے لیے تاکہ امریکی ملازمین کو ہٹایا جائے۔
ٹرمپ کے بیان سے بحث چھڑ گئی
یہ بیان اس وقت آیا جب صدر ٹرمپ نے حال ہی میں ایک انٹرویو میں H-1B ویزا پروگرام کا دفاع کرتے ہوئے کہا تھا، آپ کو دنیا سے ٹیلنٹ لانا ہوگا کیونکہ یہاں ہر قسم کی مہارت موجود نہیں ہے۔ انٹرویو کے دوران ان کے بیان سے ریپبلکن رہنماؤں اور انتہاپسند گروہوں میں بحث تیز ہو گئی۔
H-1B ختم کرنے کی مانگ
ریپبلکن رکن کانگریس مارجوری ٹیلر گرین نے سوشل میڈیا پلیٹ فارم X پر پوسٹ کیا کہ وہ H-1B ویزا کو مکمل طور پر ختم کرنے کے لیے بل پیش کریں گی صرف میڈیکل سیکٹر کو چھوڑ کر۔ انہوں نے لکھا، کہ H-1B ختم کرنے سے امریکی ملازمت مارکیٹ مضبوط ہوگی اور گھروں کی دستیابی بھی بڑھے گی۔
ماہرین نے دی وارننگ
واشنگٹن میں مقیم امیگریشن ماہر سارہ پیئرس نے IANS کو کہا،  H-1B ویزا کو مکمل ختم کرنے کی تجویز سب سے خطرناک قدم ہوگا، اس سے لاکھوں امریکی مریض علاج سے محروم رہ سکتے ہیں اور جانیں جا سکتی ہیں۔ انہوں نے کہا کہ امریکہ کی صحت کی دیکھ بھال کی نظام غیر ملکی ڈاکٹروں اور ماہرین پر کافی انحصار کرتا ہے۔ ٹرمپ کی امریکہ فرسٹ پالیسی کہیں ملک کی کشتی ہی نہ ڈبو دے۔