انٹرنیشنل ڈیسک: سنگاپور میں قائم  ہندوستانی ہائی کمیشن میں اتر پردیش ڈے ( اتر پردیش دِوس )  کے موقع پر ریاست کی ثقافت، روایات اور فنونِ لطیفہ کو پیش کیا گیا۔ اس پروگرام کی قیادت ہندوستانی تارکینِ وطن برادری کے نمایاں اراکین نے کی۔ سنگاپور میں  ہندوستان کے ہائی کمشنر ڈاکٹر شلپک امبولے نے ہفتے کی شام منعقدہ تقریب سے خطاب کرتے ہوئے کہا کہ یہاں اتر پردیش سے تعلق رکھنے والی برادری کا ریاست میں اپنی جڑوں اور آبا ء واجداد سے گہرا تعلق ہے۔ انہوں نے ان سے اپیل کی کہ وہ سنگاپور سے اپنے دوستوں کو اتر پردیش لے جائیں تاکہ وہ ریاست کی ثقافتی اور معاشی سرگرمیوں کو مزید گہرائی سے سمجھ سکیں۔

Celebrating Uttar Pradesh Diwas #UPDiwas2026 in #Estonia showcasing the cultural, economic and political significance of the state and its people, expressed through the rhythmic music and storytelling of #Kathak, Ambassador Ashish Sinha @ashishifs addressed the audience… pic.twitter.com/EWsNCiYeMQ

— India in Estonia (@IndiainTallinn) January 24, 2026

اس موقع پر ثقافتی پروگرام پیش کیے گئے اور شیشے اور پیتل کے برتنوں سمیت مختلف فن پاروں کی نمائش بھی لگائی گئی۔ ہائی کمشنر نے تقریب میں موجود 150 مہمانوں سے کہا، سنگاپور کے اپنے دوستوں کو اتر پردیش لے جائیں، انہیں اتر پردیش کی سرگرمی اور توانائی دکھائیں اور سیاحت کو فروغ دیں۔ اس پروگرام میں طلبہ نے روایتی رقص بھی پیش کیا۔ سنگاپور کی نیشنل یونیورسٹی میں ہندی اور تامل زبان کے پروگرام کی سینئر لیکچرر اور کوآرڈینیٹر سندھیا سنگھ نے کہا، سنگاپور میں پہلی بار اتر پردیش ڈے سرحدوں سے آگے بڑھ رہا ہے، اور ریاست کی روح کو ثقافتوں کے عالمی سنگم تک لے جا رہا ہے۔