واشنگٹن: امریکی وزیر دفاع پیٹ ہیگستھ نے ہفتے کے روز انڈو پیسیفک خطے میں امریکی اتحادیوں کو یقین دلایا کہ ان کا ملک چین کے بڑھتے ہوئے فوجی اور اقتصادی دباؤ  کے سامنے انہیں تنہا نہیں چھوڑے گا۔ ہیگستھ نے کہا کہ امریکہ چین کی طرف سے تیزی سے بڑھتے ہوئے خطرات بالخصوص تائیوان کے خلاف اس کے جارحانہ موقف کا مقابلہ کرنے کے لیے ملک سے باہر اپنی حفاظتی پوزیشن کو مضبوط بنائے گا۔ چین نے یہ جانچنے کے لیے متعدد مشقیں کی ہیں کہ کس طرح خود مختار جزیرے تائیوان کی ناکہ بندی  کی جاسکتی ہے ۔
چین کا دعوی ہے کہ تائیوان اور امریکہ نے اس کا دفاع کرنے کا عزم ظاہر کیا ہے۔ سنگاپور میں ایک سیکورٹی کانفرنس سے خطاب کرتے ہوئے، ہیگستھ نے کہا کہ چینی فوج ایک بڑے واقعے کی تیاری کے لیے مشق کر رہی ہے۔ ہم چکنی چُپڑی بات نہیں کریں گے ۔ چین کی طرف سے لاحق خطرہ حقیقی ہے۔ اور یہ مستقبل قریب میں سامنے آسکتا ہے۔ ہیگستھ نے 'انٹرنیشنل انسٹی ٹیوٹ فار سکیورٹی اسٹڈیز' کے زیر اہتمام ایک عالمی سکیورٹی کانفرنس 'شنگری-لا ڈائیلاگ' میں کہا کہ چین اب تائیوان پر قبضہ کرنے کے لیے نہ صرف اپنی فوجی قوتوں کو مضبوط کر رہا ہے بلکہ وہ ہر روز اس کے لیے سرگرمی سے تربیت بھی دے رہا ہے۔