نئی دہلی: وزیر دفاع راج ناتھ سنگھ اور انڈونیشیا کے وزیر دفاع سفری سجامسعودین نےآج کو نئی دہلی میں تیسرے ہند-انڈونیشیا وزراء دفاع کے ڈائیلاگ کی مشترکہ صدارت کی اور دیرینہ اسٹریٹجک شراکت داری اور دو طرفہ دفاعی تعاون کومزید بڑھانےکا اعادہ کیا دونوں وزرائے دفاع نے یوم جمہوریہ کی تقریبات 2025 میں مہمان خصوصی کے طور پر انڈونیشیا کے صدر پرابوو سوبینٹو کے دورہ ہند کو یاد کیا۔ انہوں نے کہا کہ دورے کے دوران وزیر اعظم نریندر مودی اور صدر سوبینٹو کے درمیان نتیجہ خیز اور وسیع تر بات چیت اور ان کے نتائج نے ہندوستان-انڈونیشیا جامع اسٹریٹجک شراکت داری کو مزید مضبوط کیا ہے۔ دونوں رہنماوں نے یوم جمہوریہ کی تقریبات میں انڈونیشیا کی مسلح افواج کے 352 اہلکاروں کی شرکت کو بھی یاد کیا۔
ہند-بحرالکاہل امن و سلامتی سے متعلق اسٹریٹجک آوٹ لک: ہندوستان اور انڈونیشیا نے بین الاقوامی قانون اور خودمختاری کی پاسداری پر مبنی ایک آزاد ، کھلے ، پرامن ، مستحکم اور خوشحال ہند-بحرالکاہل خطے دیکھ بھال کی اہمیت کا اعادہ کیا۔ اس بات کا ذکر کرتے ہوئے کہ ہند-بحرالکاہل پر آسیان آوٹ لک اور ہندوستان کا ہند-بحرالکاہل سمندری اقدام متعلقہ بنیادی اصولوں کا اشتراک کرتے ہیں ، انڈونیشیا نے اس بات کا اعادہ کیا کہ ہندوستان خطے میں امن اور تعاون کو فروغ دینے میں ایک اہم شراکت دار ہے۔ دونوں فریقوں نے ہندوستان کی صدارت میں انڈین اوشین رم ایسوسی ایشن جیسے کثیرجہتی فریم ورک کے تحت تعاون بڑھانے پر اتفاق کیا۔ دونوں فریقوں نے سمندری ڈومین بیداری ، سائبر موافقت اور مشترکہ آپریشنل تیاری میں تعاون بڑھانے کا عہد کیا۔