نئی دہلی:کانگرس لیڈر سپریہ شرینیت نے اے آئی سمٹ کے دوران یوتھ کانگریس کارکنوں کے احتجاج کو درست قرار دیتے ہوئے وزیر اعظم نریندر مودی پر کسانوں کے تحفظ اور ڈیٹا کی حفاظت سے سمجھوتہ کرنے کا الزام لگایا ہے محترمہ شرینت نے اے آئی سمٹ کے دوران یوتھ کانگریس کے کارکنوں کے احتجاج کا دفاع کرتے ہوئے ہفتہ کے روز کہا کہ مظاہرین ہمت مند تھے اور انہوں نے کسانوں، نوجوانوں اور توانائی کی سلامتی کی حمایت میں آواز بلند کرتے ہوئے اور کسانوں کے لیے نقصاندہ ہند-امریکی تجارتی معاہدے کی مخالفت کرکے جرات مندانہ قدم اٹھایا ہے۔
واضح رہے کہ یوتھ کانگریس کے کارکنوں نے جمعہ کے روز بھارت منڈپم میں داخل ہو کر ہند - امریکہ تجارتی معاہدے کے خلاف احتجاج کیا تھا۔ پولیس کے مطابق، احتجاج کرنے والے یوتھ کانگریس کے تقریباً 10 کارکنوں کو حراست میں لیا گیا ہے۔ پولیس نے یہ بھی کہا کہ یہ نوجوان مبینہ طور پر دھوکہ دے کر بھارت منڈپم میں داخل ہوئے اور مسٹر نریندر مودی کے خلاف نعرے بھی لگائے۔
کانگریس لیڈر نے احتجاج پر تنقید کرنے والوں کی نکتہ چینی کرتے ہوئے کہا، "میں یہ جاننا چاہتی ہوں کہ یوتھ کانگریس کے اراکین نے کیا غلط کیا ہے۔ یوتھ کانگریس اس ملک کی آواز ہے۔ نوجوانوں نے پرامن احتجاج کیا، اس احتجاج سے کون ناراض ہوا ہے؟ ناراضگی کس بات کی ہے؟
انہوں نے ایک نظم کی چار مصرعے بھی پڑھ کر نوجوانوں کی ہمت کو سراہتے ہوئے کہا کہ 'تلواروں کی دھاروں پر، اتہاس ہمیشہ بنتا ہے۔ جس اور جوانی چلتی ہے، اس اور زمانہ چلتا ہے'۔
کانگریس لیڈر نے احتجاج کے مقام پر ہونے والی تنقیدوں کو مسترد کرتے ہوئے کہا، "احتجاج کا وقت اور جگہ ہوتی ہے اور ابھی وقت ہے۔ خاص طور پر جب ہندوستان کے مفادات کو خودسپردگی کرنے والے وزیر اعظم کی طرف سے نظر انداز کیا جا رہا ہے۔
انہوں نے جمعہ کے روز بھی احتجاج کرنے والے نوجوانوں کی ستائش کرتے ہوئے کہا تھا، "یوتھ کانگریس کے اراکین نڈر ہیں اور ملک کے نوجوانوں کی آواز ہیں۔ انہوں نے ملک کے کسانوں، نوجوانوں اور توانائی کی سلامتی کی حمایت میں خودسپردگی کرنے والے وزیر اعظم کے خلاف آواز اٹھائی، انہوں نے ایسے تجارتی معاہدے کی مخالفت کی جس سے ملک تباہ ہو جائے گا۔ ملک کے نوجوان ملک کے خلاف کسی بھی ناانصافی کو برداشت نہیں کریں گے۔