لندن: برطانوی حکومت قومی سلامتی کو مضبوط بنانے کے اقدامات کے تحت حساس مقامات سے چینی کیمروں سمیت نگرانی کے آلات کو ہٹانے کے لیے ایک ٹائم ٹیبل شائع کرنے کا ارادہ رکھتی ہے۔ برطانوی حکومت  نے یہ قدم وزیر اعظم رشی سنک کے اب بیان کے چند ہفتوں بعد  اٹھایا ہے جس میں کہا گیا تھا کہ چین عالمی سلامتی اور خوشحالی کے لیے "سب سے بڑا چیلنج" ہے۔ حکومت کی جانب سے آئندہ ہفتے پارلیمنٹ میں رپورٹ پیش کی جائے گی تاہم اس سے قبل حکومت کے پروکیورمنٹ بل میں ترمیم کی تجویز پیش کی گئی ہے۔
برطانوی کابینہ کے دفتر نے بدھ کو کہا کہ وہ مرکزی حکومت کے  حساس  مقامات سے ان نگرانی کے آلات کو ہٹانے کے لیے ایک ٹائم لائن شائع کرنے کے لیے پرعزم ہے، جن ان کمپنیوں نے بنایا ہے جو چین کے قومی انٹیلی جنس قانون کے تحت آتی ہیں۔  اس میں مزید کہا گیا ہے کہ یہ اقدام سرکاری اثاثوں پر نئے آلات کی تنصیب کو روکنے کے لیے گزشتہ سال کی گئی کارروائی پر مبنی ہے۔
برطانیہ کے کیبنٹ آفس کے وزیر جیریمی کوئن نے کہا کہ 'یہ نئے اقدامات ہمارے حساس علاقوں کو ان کمپنیوں سے محفوظ رکھیں گے جو قومی سلامتی کے لیے خطرہ بن سکتی ہیں۔ یہ اقدامات برطانیہ کو نقصان پہنچانے والے دشمن عناصر کے خلاف ایک مضبوط رکاوٹ ہیں۔گزشتہ ماہ جاپان میں ہونے والے G-7 اجلاس میں برطانوی وزیر اعظم سنک نے کہا تھا کہ چین نے عالمی سلامتی اور خوشحالی کے لیے ایک 'بڑا چیلنج' پیش کیا ہے ۔