لندن: برطانیہ کے دارالحکومت لندن میں چلتی ٹرین کے ٹوائلٹ میں ایک نوعمر لڑکی سے زیادتی کا سنسنی خیز واقعہ سامنے آیا ہے۔ یہ واقعہ تھا مس لنک ٹرین میں پیش آیا، جہاں یہ واقعہ ایک 17 سالہ لڑکی کے ساتھ پیش آیا۔ 19 جولائی کی صبح تقریبا 6:05 بجے، لڑکی وولوچ آرسنل ریلوے اسٹیشن کے پلیٹ فارم پر کھڑی تھی ۔ اس کے بعد ایک 30 سالہ نوجوان وہاں آیا اور سب سے پہلے اس نے لڑای سے بات چیت شروع کی۔ اسی دوران اس نے لڑکی کے ساتھ زبردستی فحش حرکت کی۔
اس کے بعد تقریبا چار منٹ بعد وہ دونوں تھامس لنک ٹرین میں سوار ہو گئے۔ ٹرین چلنے کے کچھ دیر بعد ملزم لڑکی کو ٹرین کے ایک کوچ کے ٹوائلٹ میں گھسیٹ کر لے گیا اور وہاں اس کی عصمت دری کی۔ واردات کے بعد ملزمان ایبی ووڈ اسٹیشن پر اتر کر فرار ہو گیا۔ جب کہ خوفزدہ متاثرہ لڑکی اکیلا سلیڈ گرین اسٹیشن پہنچی اور بعد میں ہمت کرکے پولیس کو واقعے کی اطلاع دی۔
مقدمہ درج ہونے کے بعد برٹش ٹرانسپورٹ پولیس نے فوری طور پر کارروائی شروع کی اور 24 جولائی کو 30 سالہ ملزم کو عصمت دری  کے الزام میں گرفتار کر لیا۔ فی الحال ا س سے پوچھ گچھ کے بعد ضمانت پر رہا کر دیا گیا ہے تاہم کیس کی گہرائی سے تفتیش جاری ہے۔ پولیس نے اس معاملے میں مسافروں اور عام لوگوں سے مدد طلب کی ہے۔ اگر کسی نے ملزم اور لڑکی کو 19 جولائی کی صبح وولوچ آرسنل اسٹیشن یا ٹرین میں ایک ساتھ دیکھا تو وہ فوری طور پر پولیس کو مطلع کر سکتا ہے۔ پولیس نے یقین دہانی کرائی ہے کہ گواہوں کی شناخت کو مکمل طور پر صیغہ راز میں رکھا جائے گا۔ چھوٹی سے چھوٹی معلومات بھی ملزم کو سخت سزا دلوانے میں مددگار ثابت ہو سکتی ہیں۔