واشنگٹن: امریکہ اور وینزویلا کے درمیان پہلے سے جاری کشیدگی اب سمندر کے درمیان فوجی تصادم کی صورت اختیار کر چکی ہے۔ امریکی فوج نے وینزویلا سے تیل لے کر جا رہے ایک جہاز کو کیریبین سمندر میں بیچ سمندر   روک کر اپنے کنٹرول میں لے لیا۔ اس پوری کارروائی کی ویڈیو سوشل میڈیا پر تیزی سے وائرل ہو رہی ہے۔ جانکاری کے مطابق امریکی فوج کا ایک ہیلی کاپٹر براہ راست جہاز پر اترا، جس کے بعد کئی امریکی فوجی جہاز پر سوار ہوئے اور اسے اپنی تحویل میں لے لیا۔ یہ جہاز مبینہ طور پر پنامہ کے پرچم تلے چل رہا تھا۔

⚡️BREAKING :

"US seized a 3rd tanker, BELLA 1, en route to Venezuela."

Video Credit : @Partisan_12 pic.twitter.com/MMPchZw816

— Catherine (@cath2060) December 21, 2025

برطانیہ کی میری ٹائم مینجمنٹ کمپنی وینگارڈ کے مطابق اس جہاز کو مشرقی بارباڈوس کے قریب کیریبین سمندر میں روکا گیا۔ امریکہ کی ہوم لینڈ سکیورٹی سیکریٹری کرسٹی نوم نے کہا کہ اس جہاز نے آخری بار وینزویلا کی بندرگاہ پر لنگر ڈالا تھا۔ کرسٹی نوم نے سخت لہجے میں کہا کہ امریکہ  پابندی والے تیل کی غیر قانونی نقل و حرکت پر مسلسل نظر رکھے گا۔ اس طرح کی سرگرمیوں سے خطے میں منشیات اور دہشت گردی کو مالی مدد ملتی ہے۔ ہم تمہیں ڈھونڈ نکالیں گے اور روکیں گے۔
اسی دوران خبر رساں ادارے رائٹرز نے بتایا کہ جہاز کا نام ' سینچوریس '  (Centuris) ہے۔ حیران کن بات یہ ہے کہ امریکہ نے اس جہاز کو پہلے پابندی کی فہرست میں شامل نہیں کیا تھا، جس سے یہ اشارہ ملتا ہے کہ واشنگٹن اب وینزویلا کے خلاف مزید جارحانہ مؤقف اختیار کر رہا ہے۔ ماہرین کا ماننا ہے کہ یہ کارروائی صرف ایک جہاز تک محدود نہیں بلکہ یہ امریکہ کی اس پالیسی کا حصہ ہے جس کے تحت وہ وینزویلا کے تیل کے کاروبار اور اس کی آمدنی کے ذرائع پر دباؤ بڑھانا چاہتا ہے۔ اس واقعے کے بعد دونوں ممالک کے درمیان کشیدگی مزید بڑھنے کا خدشہ ظاہر کیا جا رہا ہے۔