واشنگٹن: امریکہ میں ریاست مینیسوٹا کے سب سے بڑے ہوائی اڈے پر جمعہ کے روز امیگریشن نفاذ کے خلاف احتجاج کر رہے تقریبا ایک سو پادریوں کو پولیس نے گرفتار کر لیا۔ اس دوران شدید سردی کے باوجود ہزاروں افراد منیاپولس کے نواحی علاقے میں ٹرمپ انتظامیہ کی سخت امیگریشن کارروائی کے خلاف سڑکوں پر نکل آئے۔ یہ مظاہرے پوری ریاست میں صدر ڈونالڈ ٹرمپ کی بڑھتی ہوئی امیگریشن کارروائی کے خلاف جاری ایک وسیع تحریک کا حصہ ہیں۔ مزدور یونینوں، ترقی پسند تنظیموں اور مذہبی رہنماؤں نے مینیسوٹا کے لوگوں سے اپیل کی ہے کہ وہ کام، اسکول اور یہاں تک کہ دکانوں پر بھی نہ جائیں۔

This is Amazing: Thousands of Minneapolis citizens are braving sub zero temperatures to protest ICE.

This is what democracy looks like! pic.twitter.com/HVkAzsTvo6

— Really American 🇺🇸 (@ReallyAmerican1) January 23, 2026

میٹروپولیٹن ایئرپورٹس کمیشن کے ترجمان جیف لی نے بتایا کہ پادریوں کو غیر قانونی داخلے اور امن افسر کے احکامات کی نافرمانی کے الزامات میں معمولی جرم کے نوٹس دیے گئے اور بعد میں چھوڑ دیا گیا۔ انہیں منیاپولس سینٹ پال بین الاقوامی ہوائی اڈے کے مرکزی ٹرمینل کے باہر اس لیے گرفتار کیا گیا کیونکہ وہ فضائی خدمات میں رکاوٹ ڈال رہے تھے۔ مظاہرین نے امریکی امیگریشن اور بارڈر انفورسمنٹ سے مینیسوٹا چھوڑنے کا مطالبہ کیا۔ احتجاج کے منتظمین نے جمعہ کی صبح بتایا کہ پوری  ریاست میں یکجہتی کے طور پر 700 سے زائد کاروبار بند رہے۔

Thousands of protestors are out in Minnesota at minus 30 windchill. These are the true patriots in this country. Protesting ICE is now American duty, not just an American right. pic.twitter.com/2JDkqFXTPh

— Prez (@PrezLives2022) January 23, 2026

اسی دوران وزارت داخلہ نے تصدیق کی کہ دو سالہ اور پانچ سالہ بچوں کو ان کے والد کے ساتھ حراست میں لیا گیا ہے۔ دراصل مینیسوٹا میں وفاقی اہلکار اسکول سے گھر واپس آ رہے پانچ سالہ بچے کو اس کے والد کے ساتھ ٹیکساس کے ایک حراستی مرکز لے گئے۔ امیگریشن اور بارڈر انفورسمنٹ نے کہا کہ ان کا ہدف بچے کو پکڑنا نہیں تھا بلکہ کارروائی اس کے والد ایڈرین الیگزینڈر کونیہوایریس کے خلاف کی گئی تھی جو مبینہ طور پر غیر قانونی طور پر امریکہ میں مقیم ہیں۔ یہ بچہ منیاپولس کے نواحی علاقے سے چوتھا طالب علم ہے جسے حالیہ ہفتوں میں امیگریشن حکام نے حراست میں لیا ہے۔ ان واقعات کے باعث پوری ریاست میں کشیدگی پیدا ہو گئی ہے۔