ممبئی :ادھو ٹھاکرے کے  سب سے خاص اور شیوسینا کے رہنما سنجے راوت کے ایک بار پھر شاعرانہ سٹائل نے سسپینس بڑھا دیا ہے۔ دراصل مہاراشٹر میں ٹھاکرے کابینہ توسیع میں بھائی سنیل راوت کو جگہ نہ ملنے سے ناراضگی کی خبروں کے درمیان راوت نے نئے سال پر فیس بک پر ایک پوسٹ ڈالا تھا جس پر قیاس لگنے شروع ہو گئے ہیں کہ کیا وہ  وزیر اعلیٰ ادھو سے ناراض ہیں۔ حالانکہ  اب ان کے فیس بک کے صفحے پر یہ پوسٹ نظر نہیں آ رہی ہے۔

راوت نے لکھا کہ ' ہمیشہ ایسے شخص کو سنبھال کر رکھیں، جس نے آپ کو تین  تحفے دئیے ہوں۔ساتھ، وقت اور سمر پن ( سرینڈر) '۔راوت کے اس پوسٹ کو ادھو کے لئے ایک اشارہ کے طور پر دیکھا جا رہا ہے۔ مانا جا رہا ہے کہ قیاس آرائیوں کی وجہ سے ہی راوت نے اس پوسٹ کو ڈیلیٹ کیا ہے۔شیوسینا میں تین آزاد لیڈروں کو موقع ملنے کے بعد سنجے کے ناراض ہونے کی خبر سامنے آئی تھیں۔ان کے بھائی سنیل کے بھی ودھائیگی  سے استعفیٰ کی  چرچا تھی لیکن اس پورے معاملہ پر سنجے راوت آگے آئے اور کہا کہ ہم لوگ دینے والے ہیں، مانگنے والے نہیں۔پارٹی کے لئے کام کرتے ہیں، عہدے کے لئے نہیں۔سنیل راوت پکا شوسینک ہے۔

بتا دیں کہ ادھو کو وزیر اعلیٰ بنانے میں بھلے ہی این سی پی صدر شرد پوار نے کردار ادا کیا ہو لیکن مہاراشٹر اسمبلی کے نتائج   آتے ہی سنجے راوت نے اس کے لئے مہم چھیڑ دی تھی۔انہوں نے انتخابات کے نتائج والے دن ہی ٹویٹ کرنا شروع کر دیا تھا۔اتنا ہی نہیں این سی پی کانگرس سے حکومت تشکیل کے لئے بات چیت میں راوت ہی آگے رہے اور جب تک ادھو وزیر اعلیٰ نہیں بن گئے وہ ڈٹے رہے۔ایسے میں سمجھا جا رہا تھا کہ ادھو کابینہ میں سنجے کے بھائی کو بھی جگہ ضرور ملے گا لیکن ایسا نہیں ہوا۔