نئی دہلی : کانگرس لیڈر سونیا گاندھی کو آج سر گنگا رام ہسپتال میں داخل کرایا گیا ہے۔اس کی معلومات منگل کو ذرائع کی جانب سے دی گئی ہیں۔ذرائع کے مطابق ان کی حالت مستحکم ہے۔انہیں سینے کی بیماری ہونے کی وجہ سے ماہرین کی نگرانی میں رکھا گیا ہے۔ہسپتال کے ایک ذرائع نے بتایا کہ انہیں روٹین چیک اپ کے لیے داخل کرایا گیا تھا۔

انہوں نے کہا کہ کانگرسی لیڈر سونیا گاندھی کافی عرصے سے کھانسی کی بیماری کے مسئلے سے متاثر ہیں۔وہ وقتاً فوقتاً، خاص طور پر شہر میں آلودگی کی وجہ سے، جانچ کے لیے آتے رہتے ہیں۔سونیا گاندھی کو پیر کی شام ہسپتال میں داخل کرایا گیا تھا۔انہوں نے دسمبر 2025 میں اپنی اناسی ویں سالگرہ منائی تھی۔