نئی دہلی:عام  آدمی پارٹی(آپ) کے قومی کنوینر اروند کیجریوال نے اتوار کو رام لیلا میدان میں مسلسل تیسری بار دہلی کے وزیر اعلیٰ عہدے کا حلف لیا ۔دہلی کے لیفٹیننٹ گورنر انل بیجل نے کیجریوال اور ان کی کابینہ کے چھ وزراء کو عہدہ اور رازداری کا حلف دلایا۔حلف برداری کے دوران کیجریوال نے جہاں  ایشورکے نام پر حلف لیا،وہیں کیجریوال کے وزراء نے عہدے اور رازداری کا حلف لیتے وقت روایت سے ہٹ کر الگ الگ  مختلف ناموں کی قسمیں کھائیں۔

پچھلی حکومت میں نائب وزیر اعلیٰ رہے  منیش سسودیا اور دیگر وزراء  ستیندر جین، گوپال رائے، کیلاش گہلوت، عمران حسین اور راجندر پال گوتم نے بھی کیجریوال کے ساتھ حکومت کے وزیر کے طور پر حلف  لیا ہے ۔منیش سسودیا اور کیلاش گہلوت نے بھی  ایشور  کے نام پر حلف لیا  ۔ وہیں گوپال رائے نے آزادی کے شہیدوں کے نام پر حلف لیا، جبکہ عمران حسین نے اللہ اور راجندر پال گوتم نے حلف برداری میں بھگوان بدھ  کے نام کا ذکر کیا۔ 

گوپال رائے نے حلف لیتے ہوئے کہا ... میں گوپال رائے آزادی کے شہیدوں کا حلف لیتا ہوں کہ میں قانون کی طرف سے قائم آئین کے  تئیں سچا اور مخلص رکھوں گا۔ میں  ہندوستان کی ہم آہنگی  اور سالمیت برقرار رکھوں گا۔ میں وزیر کے طور پر اپنے فرائض کی پوری عقیدت  اور خلوص سے   سرانجام دوں گا۔ میں کسی خوف یااختلاف یا پیار اور بغض کے احساس کے بغیر، تمام قسم کے لوگوں کے لئے آئین اور طریقہ کار کے مطابق انصاف کروں گا۔ انہوں نے رازداری کا حلف بھی آزادی کے شہیدوں کے نام پر ہی لیا۔
پانچویں نمبر پر حلف لینے آئے  عمران حسین نے وزیر کے عہدے کا حلف لیتے ہوئے کہاکہ ' میں، عمران حسین، اللہ کی قسم کھاتا ہوں کہ میں قانون کی طرف سے قائم بھارت کے آئین کی  تئیں  سچا اور مخلص رہوںگا ۔میں ہندوستان کی خود مختاری ور سالمیت برقرار رکھوں گا۔ میں وزیر کے طور پر فرائض کو عقیدت   اور خلوص سے سر انجام دوں گا ۔ میں  کسی یا اختلاف، پیار یا  بغض کے بغیر تمام قسم کے لوگوں کے تئیں آئین اور طریقہ کار کے مطابق انصاف کروں گا۔ اگرچہ عمران حسین نے رازداری کا حلف خدا کے نام پر لیا۔

بتا دیں کہ لیفٹیننٹ گورنر بیجل نے سب سے پہلے 12 بجکر 15 منٹ پر کجریوال کو عہدے اور رازداری کا حلف دلایا۔ اس کے بعد سسودیا سمیت دیگر وزراء  نے ایک ایک کر حلف لیا۔
قابل ذکر ہے کہ حلف کی مقررہ  شکل میں ' ایشور' کے نام پر آئین کے  تئیں سنجیدگی کا حلف لینے کا انتظام ہے ۔ آپ نے کیجریوال کے حلف برداری کی تقریب کے دوران ان کے ساتھ سٹیج  شیئر کرنے  کے لئے مختلف طبقوںکے ان 50 لوگوں کو بھی مدعو کیا تھا جنہوں نے گزشتہ پانچ سال میں دہلی حکومت کے کاموں میں خصوصی تعاون دیا۔ 

آئی آئی ٹی کے طالب علم سے لے کر دہلی میٹرو کے ڈرائیور سمیت تمام 50 مخصوص مدعو لوگ حلف برداری کے وقت اسٹیج پر موجود تھے۔ حلف برداری کی تقریب میں کیجریوال نے وزیر اعظم نریندر مودی کو بھی مدعو کیا تھا، اگرچہ وزیر اعظم کا اتوار کو بنارس میں پہلے سے مقرر پروگرام ہونے کے سبب وہ موجود نہیں ہو سکے۔ ان کے علاوہ دہلی کے بی جے پی ممبران پارلیمنٹ اور ممبران اسمبلی کو بھی مدعو کیا گیا ہے۔