انٹرنیشنل ڈیسک:  امریکہ اس وقت قدرت کے شدید قہر کا سامنا کر رہا ہے۔ ایک تباہ کن برفیلے  طوفان نے ملک کے ایک بڑے حصے کو اپنی لپیٹ میں لے لیا ہے ، جس کے باعث تقریباً 14 کروڑ افراد کی زندگی مفلوج ہو کر رہ گئی ہے۔ سڑکوں پر کئی فٹ جمی ہوئی برف اور صفر سے نیچے گرنے والے درجہ حرارت نے معمولاتِ زندگی کو مکمل طور پر درہم برہم کر دیا ہے۔ جبکہ طوفان کا سب سے شدید اثر فضائی اور زمینی آمد و رفت پر پڑا ہے۔ ہفتہ اور اتوار کو ملا کر اب تک تقریباً 9,000 پروازیں منسوخ کی جا چکی ہیں۔
درجہ حرارت منفی 41 ڈگری تک گرا، شدید سردی کا قہر
امریکہ کے وسطی اور شمال مشرقی حصوں میں سردی نے تمام ریکارڈ توڑ دیے ہیں۔ نارتھ ڈکوٹا اور بسمارک جیسے شہروں میں درجہ حرارت منفی 41 ڈگری سیلسیس تک گر گیا ہے۔ نیویارک کے بعض علاقوں میں یہ منفی 34 ڈگری سیلسیس ریکارڈ کیا گیا ہے۔ ٹیکساس سے لے کر نیو انگلینڈ تک تقریباً 2000 میل کے علاقے میں شدید برفباری اور ژالہ باری ہو رہی ہے۔ محکمہ موسمیات نے وارننگ دی ہے کہ آنے والے وقت میں ایک فٹ یعنی 30 سینٹی میٹر تک مزید برف پڑ سکتی ہے۔

Snowstorm in Central Park, New York pic.twitter.com/KM8ISKzkF7

— Pretty Cities (@PrettyCitiesX) January 18, 2026

آمد و رفت معطل، 9000 پروازیں منسوخ، سڑکیں بند
طوفان کا سب سے شدید اثر فضائی اور زمینی آمد و رفت پر پڑا ہے۔ ہفتہ اور اتوار کو ملا کر اب تک تقریباً 9,000 پروازیں منسوخ کی جا چکی ہیں۔ سڑکوں پر برف کی موٹی تہہ جمنے کے باعث گاڑیاں جگہ جگہ پھنس گئی ہیں۔ محکمہ نقل و حمل مسلسل برف ہٹانے میں مصروف ہے، لیکن جاری برفباری نے کام کو مشکل بنا دیا ہے۔ برف کے وزن سے بجلی کے کھمبے اور تاریں ٹوٹ گئی ہیں، جس کے باعث کئی شہر اندھیرے میں ڈوب گئے ہیں۔

More than 100 vehicles crashed into each other or slid off a highway during a snowstorm in the US state of Michigan. pic.twitter.com/bRMjhU61X4

— Al Jazeera English (@AJEnglish) January 20, 2026

ایئر انڈیا نے پروازیں منسوخ کر دیں
 ہندوستان سے امریکہ جانے والے مسافروں کے لیے بھی بری خبر ہے۔ ایئر انڈیا نے 25 اور 26  جنوری کو دہلی اور ممبئی سے نیویارک اور نیوارک جانے والی اپنی تمام پروازیں منسوخ کر دی ہیں۔
مدد کے لیے ہیلپ لائن
مسافر کسی بھی معلومات کے لیے 011-69329333 اور 011-69329999 پر رابطہ کر سکتے ہیں۔
امدادی اور بچاؤ کارروائیاں تیز
امریکہ کی ٹرمپ حکومت نے اس بحران سے نمٹنے کے لیے جنگی سطح پر تیاری کی ہے۔

Winter storm in Tennessee! ❄️
This is the most snow we’ve got in years. Naturally I called out of work, like half of the town. pic.twitter.com/OUNPjKJZXU

— Will Discavage (@SavageDiscavage) January 24, 2026

امدادی سامان
متاثرہ ریاستوں میں 70 لاکھ فوڈ پیکٹس، 6 لاکھ کمبل اور 300 بڑے جنریٹر روانہ کیے گئے ہیں۔
بچا ؤدستے
30 خصوصی تلاش اور بچا ٹیمیں میدان میں اتار دی گئی ہیں۔
انتظامیہ کی اپیل
عوام سے گھروں کے اندر رہنے اور ضروری سامان پہلے سے ذخیرہ کر لینے کی اپیل کی گئی ہے۔