نیشنل ڈیسک:سپریم کورٹ کے 6 ججوں کو سوائن فلو  ہو گیا ہے ۔ یہ جانکاری سپریم کور ٹ کے  ہی ایک جج ڈی چندر چوڑ نے کھلی عدالت میں منگلوار کو دی ۔ جج نے دلی میں  تشدد کے معاملے پر ہوئی شنوائی  کے دوران کہاکہ اعلیٰ عدالت کے چھ ججوں کو فلو  ہو گیا ہے ۔ اس لئے کئی معاملوں کی شنوائی نہیں ہو پا رہی ہے ۔

چندر چوڑ نے  وکیلوںاور سپریم کورٹ کے سٹا ف کو  احتیاط برتنے کی صلاح  دی ہے ۔انہوں نے کہا کہ  ہمارے چھ ساتھی  جج ایچ  ون این ون فلوسے متاثر ہیں ۔ ججوں کے بیمار ہونے سے  شنوائی پر اثر پڑا ہے ۔ ججوں نے چیف جسٹس سے اس بارے میںبات کی ہے اور ان سے سپریم کورٹ  کے ججوں ، سٹاف کے ویکسنیشن  کے احکام دینے کی مانگ کی ہے ۔ انہوں نے کہا کہ چیف جسٹس نے اس مسلے پر بات کرنے کے لئے سپریم کورٹ  بار  ایسو سی ایشن  کے ساتھ  میٹنگ بلائی ہے ۔ یہ فیصلہ کیا گیا کہ سپریم کورٹ سبھی وکیلوں کو اس کی ویکسین  مہیا کرائی گی۔

بتا دیں کہ آج کورٹ  نمبر 2میں جسٹس  رمنا کی قیادت والی تین ججوں کی بینچ میں شامل جسٹس سنجیو کھنہ نے ماسک لگا کر شنوائی کی ۔بتا دیں کہ دیش کے کئی  شہروں سے ایچ ون این ون وائرس  سے متاثر مریض سامنے  آئے ہیں ۔  راجستھان سے سوائن فلو کے  32 پازیٹو  کیس سامنے آئے ہیں ۔ ان میں سے 19 معاملے صرف  جے پور سے سامنے آئے ہیں ۔ پچھلے سال اس  وائرس  سے راجستھان کے 200 سے زیادہ لوگوں  کی موت ہوگئی تھی ۔