کانگرس کے سینئر لیڈر کپل سبل نے آلودگی کے مسئلے کو لے کر حکومت پر نشانہ  سادھا ہے ۔انہوں نے ہفتہ کو کہا کہ مرکز  کو آلودہ فضا کے  معیار پر زیادہ توجہ دینی چاہئے جیسا کہ اس نے آرٹیکل  370 کے معاملے میں کیا تھا۔

https://twitter.com/KapilSibal/status/1195564219112001536
قومی دارالحکومت میں ہفتہ  کی صبح آلودگی کی سطح میں کمی آئی لیکن اس کے باوجود شہر کی ہوا کا معیار 'سنگین  زمرے میں ہے۔سبل نے ٹویٹ کیا کہ 'قدرت ہمارے اپنے اعمال کی سزا دے رہی ہے ۔ہم نے خود ہی سانس لینے کے بنیادی حق کو خطرے میں ڈال دیا ہے۔عجیب و غریب نسخوں کو چھوڑیے، آرام دہ حل اپنائے'۔

https://twitter.com/KapilSibal/status/1195561255899058176

انہوں نے دہلی حکومت کے آڈ - ایون منصوبے  پر بھی سخت حملہ کیا۔سابق مرکزی وزیر نے پانچ اگست کو جموں و کشمیر کو خصوصی درجہ دینے والے آرٹیکل 370 کے زیادہ لوازمات کو ختم کرنے کے مرکز کے فیصلے کا حوالہ دیتے ہوئے کہا کہ کیا آرٹیکل 370 کے پیچھے سیاست ہمارے صاف ہوا میں سانس لینے کے حق سے زیادہ اہم ہے؟ ہماری حکومت کو فضائی آلودگی پر بھی اتنی ہی توجہ دینی  چاہئے جتنا اس نے آرٹیکل 370  کے معاملے میں دی تھی ۔