ممبئی : راکامپا سربراہ شرد پوار نے کہا کہ وزیر اعظم نریندر مودی نے انہں ساتھ مل کر کام کرنے کی تجویز پیش کی تھی لیکن انہوں نے تجویز کو ٹھکرا دیا ۔ پوار نے پیر کے روز ایک مراٹھی ٹی وی چینل کو دئیے انٹر ویو میں یہ دعویٰ کیا ۔
پوار نے کہا،' مودی نے مجھے ساتھ مل کر کام کرنے کی تجویز پیش کی تھی ۔ میں نے انے کہا کہ ہمارے ذاتی تعلقات بہت اچھے ہیں اور وہ ہمیشہ رہیں گے لیکن میرے لئے ساتھ مل کر کام کرنا ممکن نہیں ہے ۔ '
پوار نے ایسی خبروں کو خارج کردیا کہ مودی سرکار نے انہیں ملک کا صدر بنانے کی تجویز پیش کی ۔ انہوں نے کہا،' لیکن ، مودی قیادت والی کابینہ میں سپریا سلے کو وزیر بنانے کی ایک تجویز ضرور ملی تھی ۔ ' سپر سلے پوار کی بیٹی ہیں اور پنے ضلع میں بارامتی سے لوک سبھا ممبر ہیں ۔
مہاراشٹر میں سرکار بنانے کو لے کر چل رہی رسہ کشی کے دوران پوار نے گذشتہ مہینے مودی سے ملاقات کی تھی ۔ مودی کئی مواقع پر پوار کی تعریف کر چکے ہیں ۔ گذشتہ دنوں مودی نے کہا تھا کہ پارلیمانی قوانین پر عمل کیسے کیا جاتا ہے اس بارے میں تمام جماعتوں کو این سی پی سے سیکھنا چاہئے ۔