پنجاب: پنجاب کے سکولوں، کالجوں اور یونیورسٹیوں کے حوالے سے بڑی خبر سامنے آئی ہے۔ اطلاعات کے مطابق کل بروز سوموار یعنی 12 مئی 2025 سے پنجاب کے تمام تعلیمی ادارے بشمول سکول، کالج اور یونیورسٹیز معمول کے مطابق کھلیں گے۔ وزیر تعلیم ہرجوت سنگھ بینس نے کہا کہ تمام تعلیمی اداروں میں باقاعدہ کلاسز کا انعقاد کیا جائے گا اور پہلے سے جاری کردہ شیڈول کے مطابق امتحانات بھی منعقد کیے جائیں گے۔ انہوں نے کہا کہ ہمیں اپنے بہادر سپاہیوں کی بہادری پر بہت فخر ہے۔
ہوشیار پور (گھمن، ورندر پنڈت): دریں اثناء ہوشیار پور کے ڈپٹی کمشنر اشیکا جین نے کہا کہ ہندوستان اور پاکستان کے درمیان کشیدگی کے باعث پیدا ہونے والی ہنگامی صورتحال کے پیش نظر ضلع کے تمام اسکول اور کالج 11 مئی تک بند کردیئے گئے تھے۔انہوں نے کہا کہ اب جنگ بندی کے بعد ضلع میں حالات مکمل طور پر معمول پر آچکے ہیں۔ اس لیے کل سے ضلع کے اسکول اور کالج مقررہ وقت کے مطابق کام کریں گے۔ انہوں نے اس انتہائی کشیدہ ماحول میں تعاون کرنے پر ضلع کے مکینوں کا شکریہ ادا کیا۔