ممبئی: سلمان خان کی منہ بولی بہن اور پلکیت سمراٹ کی سابق اہلیہ شویتا روہیرا کے بارے میں چونکا دینے والی خبر سامنے آئی ہے۔ خبر ہے کہ شویتا روہیرا ایک خوفناک حادثے کا شکار ہو گئی ہیں۔ اس حادثے کے بعد ان کی کچھ تصاویر سوشل میڈیا پر تیزی سے وائرل ہو رہی ہیں۔

ان تصاویر میں وہ ہسپتال کے بستر پر نظر آ رہی ہیں۔ اس میں دیکھا جا سکتا ہے کہ ان کے ہونٹوں پر پٹی بنی ہوئی ہے جبکہ اس کی ٹانگ پر پلاسٹر نظر آ رہا ہے۔ ان کے چہرے پر بہت درد نظر آ رہا ہے۔ اداکارہ کو خوفناک حالت میں دیکھ کر ان کے مداح حیران ہیں اور ان کی جلد صحت یابی کے لیے دعا کر رہے ہیں۔

شویتا روہیرا نے اپنے انسٹاگرام اکاونٹ پر حادثے کی تصاویر شیئر کیں اور لکھا - 'زندگی اتھل پتھل سے بھری ہوئی ہے۔ ایک لمحے آپ 'کل ہو نہ ہو' گنگنا رہے ہوتے ہیں اوردوسرے ہی لمحے میں زندگی ایک موٹر سائیکل آپ کے لیے بھیج دیتی ہے۔ اس میں میری کو ئی غلطی نہیں تھی لیکن پھر بھی میں چلتے چلتے اچانک نیچے گر گئی ۔

https://www.instagram.com/p/DFXJPL4zTb2/?utm_source=ig_web_button_share_sheet
شویتا روہیرا کا شمار بالی ووڈ کی مشہور شخصیات میں ہوتا ہے۔ انہوں نے مشہور شارٹ فلم 'اسپاٹ لیس' میں کام کرکے کافی سرخیاں بنائیں۔ اس کے علاوہ وہ مختلف کتابوں کی پرموشن و اشاعت سے بھی وابستہ ہیں۔ مداح اب ان کی جلد صحت یابی کے منتظر ہیں۔