نیشنل ڈیسک :اتر پردیش کے  سدھارتھ نگر  میں دموریا گنج ہندو واہنی کے  صوبائی انچارج اور ممبراسمبلی  راگھویندر پرتاپ سنگھ  نے  پرینکاگاندھی  کی جانب سے وزیر اعلیٰ یوگی آدتیہ ناتھ پر تبصرے کرنے پر سخت رد عمل دیا ہے ۔ انہوںنے کہا کہ قصائیوں اور عیسائیوں کے  درمیان  پرورش پانے والی  پرینکا گاندھی سے  کیا امید کی جاسکتی ہے ۔ پرینکا گاندھی کو بھگوا  اور سنیاسی کے بارے میں  کوئی علم نہیں ہے۔

سنگھ نے کہا کہ  یوگی  پر تبصرہ کرنا سورج کو چراغ دکھانے کے مترادف ہے ۔ وہیں انہوں نے کہا کہ پرینکا گاندھی کے پریوا ر نے 70 سال تک ملک کو گروی رکھا۔ کشمیر میں جب بہو - بیٹیوں  کے ساتھ ظلم وزیادتی  ہو رہی تھی ، تب ان کے ہی پریوارک ی حکومت تھی ۔انہو ںنے  کہا کہ  پرینکا گاندھی  اترپردیش میں آکر دہشت گردی اور علیحدگی پسندی کو فروغ دے رہی ہیں۔جس طرح سے راہل گاندھی پپو ہوگئے ہیں، اسی طرح پرینکا گاندھی  بھی کچھ دنوں  میں پپی ہو جائیں گی ۔ 

بتادیں کہ  چند روز قبل پرینکا گاندھی نے  اتر پردیش کے وزیراعلیٰ یوگی آدتیہ ناتھ پر تبصرہ کیا تھا کہ بھگوا دھارن کرکے بدلے لینے جیسے لفظ کا استعمال قابل مذمت ہے ، جو ہمارے زیر اعلیٰ کیا ہے ۔ اسی کی وجہ سی اے اے  کے خلاف پر تشدد مظاہرے ہوئے  ہیں۔ انہوں نے  کہا تھا کہ  پر تشددمظاہروں میں عوامی جائیداد کے ہونے والے نقصان  کے لئے وزیر اعلیٰ یوگی کا بیان ذمہ دار ہے۔