پاکستان سے لگتے پنجاب کے بارڈر کے اضلاع میں سیلاب کا قہر جاری ہے۔اس سیلاب کی وجہ پاکستان کے قصور ضلع سے چھوڑا گیا پانی ہے۔دراصل ستلج، راوی اور بیاس کا پانی پنجاب سے کئی مقامات پر پاکستان میں جاتا ہے اور  گھوم کر دوبارہ پنجاب میں آ جاتا ہے۔قصور ضلع میں دریائے راوی پر پاکستان نے ڈیم بنایا ہوا ہے جس سے گٹا بیراج کے ذریعے پانی چھوڑا جاتا ہے۔وہاں پر پاکستان نے سارے گیٹ کھول دیئے ہیں تو دوسری طرف بڈھا نالا کے ڈیم کو توڑ دیا ہے جس کی وجہ سے ڈھائی لاکھ کیوسک سے زیادہ پانی پنجاب کے فیروز پور ضلع میں گھس گیا ہے۔کئی مقامات پر بارڈر پر لگائی گئی باڑیں بھی بہہ گئی ہے، لیکن بی ایس ایف کے جوان وہاں پر دن رات موٹر بوٹ کے ذریعے گشت کر رہے ہیں۔
پاکستان سے آ رہا پانی پنجاب کے کھیتوں کومسلسل نقصان پہنچا رہا ہے۔بھارت- پاکستان کی سرحد سے ملحق ہوئے گاؤں میں سیلاب کی وجہ سے حالات انتہائی برے ہیں۔گاؤں کے لوگوں کو نکالنے کے لئے کشتیوں کا سہارا لیا جا رہا ہے تو وہیں انہی کشتی کے ذریعے گاؤں میں کھانے پینے کا سامان پہنچایا جا رہا ہے، لیکن گاؤں والوں کی فکر یہ ہے کہ جب سیلاب کا پانی اتر جائے گا پھر وہ کیا کریں گے ؟ کیونکہ ان کی فصلیں اس سیلاب سے بالکل تباہ ہو چکی ہیں تو وہیں انتظامیہ بھی مکمل طریقے سے مدد ان کے پاس نہیں پہنچا پا رہا ہے۔