بزنس ڈیسک:پٹرول- ڈیزل کے لئے عوام کو اب زیادہ پیسے ادا کرنے ہوں گے ۔دراصل مودی حکومت نے  آج سے پٹرول اور ڈیزل پر تین روپے فی لٹر کی شرح سے ایکسائز ڈیوٹی بڑھا دی ہے۔  بین الاقوامی سطح پر تیل کی قیمتوں میں گراوٹ سے فائدہ لینے کی کوششوں کے  تحت حکومت نے سنیچروار  کو یہ قدم اٹھایا ہے۔

ایک آفیشل اطلاع میں کہا گیا ہے کہ پٹرول پر خصوصی ایکسائز ڈیوٹی  فی لٹر  دو روپے بڑھا کر آٹھ روپے کر دیئے ہیں تو وہی ڈیزل پر یہ ٹیکس دو روپے بڑھا کر اب چار روپے فی لٹرہو گیا ہے۔اس  کے علاوہ پٹرول اور ڈیزل پر لگنے والا روڈ سیس  بھی ایک ایک  روپے    فی لٹر بڑھا کر 10روپے کر دیا گیاہے۔ ایکسائز ڈیوٹی میں بڑھوتری کا نتیجہ بنیادی طور پر پٹرول اور ڈیزل کی قیمتوں میں اضافے کے طور پر سامنے آتا ہے لیکن یہ بین الاقوامی شرحوں میں گراوٹ کے حساب سے ایڈجسٹمنٹ ہو جائے گی اور قیمتوں میں اضافہ نہیں ہوگا۔

سنیچروار کو لگاتار 10ویں دن ملک میں پٹرول  اور ڈیزل کی قیمت میں کمی درج کی گئی ہے۔ دہلی، کولکتہ اورممبئی میں ایک لٹرپٹرول کی قیمت 13میںپیسے کم ہوئی ہے اور چینئی میں یہ 14پیسے کم ہوا ہے۔ غیر ملکی کرنسی شرحوں کے ساتھ بین الاقوامی بازار میں کروڈ کی قیمتیں کیا  ہیں،اس  بنیاد پر روز پٹرول اور ڈیزل کی قیمتوں میں بدلائو ہوتا ہے۔ انہی آنکڑوں کی بنیاد پر پٹرول ریٹ  اور ڈیزل ریٹ روز فکس کرنے کا کام تیل کمپنیاں کرتی ہیں ۔
بتا دیں کی مودی حکومت  کے دور اقتدار میں آنے  کے بعد یہ پانچواں موقع ہے جب پٹرول ڈیزل پر ایکسائز ڈیوٹی بڑھائی گئی ہو۔ اس سے پہلے 15جنوری کو سی بی سی ٹی نے پٹرول پر 75 پیسے اور ڈیزل پر 1.83روپے فی لٹر کی شرح سے ایکسائز ڈیوٹی بڑھائی  تھی ،ادھر دوسری طرف کچے تیل کی قیمتوں میں لگاتار گراوٹ ہونے کے باوجود عام عوام کو  اس کا فائدہ نہیں مل رہا ہے۔