نیشنل ڈیسک :  پتنجلی فوڈز لمیٹڈ نے مالی سال  26-2025 کی تیسری سہ ماہی (Q3 FY26) میں تاریخی کارکردگی دکھاتے ہوئے اب تک کی اپنی سب سے زیادہ سہ ماہی آمدنی حاصل کی ہے اور لگاتار دوسری سہ ماہی میں ریکارڈ کارکردگی درج کی ہے۔ عالمی سطح پر کموڈیٹی قیمتوں میں اتار چڑھاؤ، روپے اور ڈالر کے تبادلہ نرخ میں عدم استحکام اور وسیع اقتصادی دباؤ جیسے  چیلنجوں کے باوجود کمپنی نے مضبوط ترقی اور متوازن منافع برقرار رکھا ہے۔
 مالی سال 2026 کی تیسری سہ ماہی( Q3 FY26 ) میں کمپنی کی آپریشنل کل آمدنی 10,483 کروڑ روپے رہی، جبکہ 9 مہینوں (9M FY26) کی آپریشنل کل آمدنی 29,013 کروڑ روپے تک پہنچ گئی، جو اب تک کی سب سے زیادہ ہے۔ سہ ماہی کا EBITDA    492 کروڑ روپے رہا اور EBITDA مارجن 4.69 فیصد درج کیا گیا۔
کمپنی کی ترقی کے سفر میں FMCG ( تیزی سے فروخت ہونے والے صارف پروڈکٹ ) کاروبار اہم ترقی کے انجن کے طور پر ابھرا ہے اور اب یہ کل آمدنی میں 30 فیصد سے زیادہ حصہ دے رہا ہے۔ یہ کمپنی کی حکمت عملی میں تبدیلی کو ظاہر کرتا ہے، جہاں خوردنی تیل پر انحصار کم کر کے مختلف صارف مصنوعات کی طرف مضبوطی سے توسیع کی جا رہی ہے۔ 9M FY26  میں FMCG سے 3,248 کروڑ روپے کی آمدنی حاصل ہوئی اور اس مدت میں مارجن 11 فیصد سے زیادہ رہا۔ سہ ماہی کے دوران FMCG EBITDA  353 کروڑ روپے رہا، جس میں مارجن 10 فیصد سے زیادہ درج کیا گیا۔ ہوم اینڈ پرسنل کیئر (HPC) حصے نے بھی مؤثر کارکردگی دکھاتے ہوئے 628 کروڑ روپے کی آمدنی اور 157 کروڑ روپے کا EBITDA درج کیا، جس میں مارجن تقریباً 25 فیصد کے آس پاس رہا۔ یہ ترقی مستحکم طلب، مؤثر قیمت طے کرنے کی حکمت عملی اور مضبوط تقسیم نیٹ ورک کا نتیجہ ہے۔
مصنوعاتی زمروں میں بھی نمایاں پیش رفت دیکھی گئی، جہاں گھی کی فروخت میں 46 فیصد اور بسکٹ زمرے میں 26 فیصد کی سال  در سال ترقی درج کی گئی۔ ایک ہزار کروڑ روپے سے زیادہ فروخت والا دودھ بسکٹ برانڈ مالی سال 2026 کے پہلے 9 مہینوں میں ہی پچھلے پورے سال کی فروخت کو پار کر گیا، جو برانڈ کی مضبوط طلب اور صارفین کی دوبارہ خریداری کے رجحان کو ظاہر کرتا ہے۔
خوردنی تیل کا کاروبار کمپنی کی مضبوط بنیاد بنا ہوا ہے، جس نے سہ ماہی میں 7,336 کروڑ روپے کی آمدنی حاصل کی اور 2.39 فیصد کا EBITDA مارجن درج کیا (یعنی اس کاروبار سے حاصل ہونے والی آمدنی میں سے آپریشنل منافع) درج کیا۔ 
قابل ذکر ہے کہ تقریبا 85 فیصد فروخت برانڈیڈ تیلوں سے ہوئی، جو اعلی معیار اور برانڈ پر مبنی ترقی پر کمپنی کی توجہ کو ظاہر کرتا ہے، بھلے ہی کموڈیٹی بازار میں عدم استحکام برقرار رہا ہو۔
کمپنی طویل مدتی مسابقتی برتری کے لیے بیک ورڈ انٹیگریشن پر بھی خاص توجہ دے رہی ہے۔ آئل پام پلانٹیشن کا رقبہ 1.08 لاکھ ہیکٹیئر سے زیادہ ہو چکا ہے اور 12 ریاستوں میں 78,000 سے زیادہ کسانوں اور 202 کسان پروڈیوسر تنظیموں کے ساتھ شراکت قائم کی گئی ہے۔ 13.82 لاکھ میٹرک ٹن صلاحیت والے پروسیسنگ مل چل رہے ہیں اور میزورم اور تلنگانہ میں نئے مل قائم کیے جا رہے ہیں، جس سے مستقبل کی سپلائی سکیورٹی اور لاگت میں استحکام یقینی ہوگا۔
عالمی سطح پر کمپنی کی برآمدات میں توسیع جاری ہے، جہاں سہ ماہی کے دوران 25 ممالک اور 9 مہینوں میں 36 ممالک تک مصنوعات کی فراہمی کی گئی۔ ہندوستان میں کمپنی کا تقسیم نیٹ ورک 20 لاکھ سے زیادہ ریٹیل ٹچ پوائنٹس تک پھیلا ہوا ہے، ساتھ ہی D2C  (Direct to Consumer)اور ای کامرس چینلوں میں بھی تیزی سے توسیع ہو رہی ہے، جو کمپنی کو مسابقتی برتری فراہم کرتی ہے۔
پائیدار ترقی کے عزم کے تحت قابل تجدید توانائی کے استعمال میں 20 فیصد اضافہ درج کیا گیا ہے۔ کمپنی کے پاس 84.6 میگاواٹ کی کل صلاحیت میں سے 18.6 میگاواٹ کیپٹو ونڈ پاور ہے، جو توانائی کی کارکردگی اور لاگت کے انتظام کو مضبوط کرتی ہے۔ سال کے دوران کمپنی نے وزارت خوراک پروسیسنگ صنعت کے ساتھ 6 ریاستوں میں ایک ہزار کروڑ روپے کی سرمایہ کاری کے لیے معاہدہ کیا اور عالمی کسٹمز تنظیم اور ہندوستان کسٹمز محکمے سے AEO- Tier 2  سرٹیفکیشن حاصل کر کے سپلائی چین سکیورٹی اور شفافیت میں عمدگی کا ثبوت دیا۔
مضبوط مارکیٹ پوزیشن، مستحکم مالی بنیاد اور طویل مدتی قدر پیدا کرنے پر مرکوز حکمت عملی کے ساتھ پتنجلی فوڈز لمیٹڈ قریبی مدت کی غیر یقینی صورتحال کا کامیابی سے مقابلہ کرنے اور ابھرتے ہوئے FMCG  ( تیزی سے فروخت ہونے والے صارف پروڈکٹ )منظرنامے میں نئے ترقی کے مواقع سے فائدہ اٹھانے کے لیے پوری طرح تیار ہے۔ کمپنی آپریشنل کارکردگی، لاگت کے نظم و ضبط اور بیک ورڈ انٹیگریشن کے ذریعے پائیدار اور مضبوط ترقی کے لیے پرعزم ہے۔