نیشنل ڈیسک: اتر پردیش کے وزیر اعلیٰ یوگی آدتیہ ناتھ نے منگل کو کہا کہ قیامت کا دن کبھی نہیں آئے گا اور اس لیے بابری ڈھانچہ بھی کبھی دوبارہ نہیں بنے گا۔ آدتیہ ناتھ نے بارابنکی میں ایک پروگرام میں کہا، ہم نے کہا تھا کہ رام للا ہم آئیں گے، مندر وہاں بنائیں گے۔ مندر بن گیا۔ کیا کوئی شک ہے۔ انہوں نے کہا، قیامت کا دن کبھی آنا ہی نہیں ہے اور اس لیے بابری ڈھانچے کی دوبارہ تعمیر بھی کبھی نہیں ہوگی۔ جو لوگ قیامت کے دن کے آنے کا خواب دیکھ رہے ہیں، وہ ایسے ہی سڑ جائیں گے۔
کبھی وہ وقت نہیں آنے والا ہے۔ شری رام جنم بھومی-بابری مسجد کے معاملے میں سپریم کورٹ نے نو نومبر 2019 کو فیصلہ دیتے ہوئے ایودھیا میں متنازعہ مقام پر رام مندر کے تعمیر کرنے اور مسلمانوں کو مسجد کی تعمیر کے لیے ایودھیا میں کسی اہم جگہ پر پانچ ایکڑ زمین دینے کا حکم دیا تھا۔ وزیراعظم نریندر مودی نے جنوری 2024 میں مندر کی پران پرتشٹھا کی تھی۔ دوسری طرف، مسلم فریق کو ایودھیا کے دھنی پور گاؤں میں دی گئی پانچ ایکڑ زمین پر ابھی تک کوئی بھی تعمیر نہیں ہو سکی ہے۔
وزیر اعلی نے کہا، ایودھیا میں 500 سال بعد وہ شاندار لمحہ(رام مندر کی تعمیر) ہمارے سامنے آیا۔ ان 500 سالوں میں کئی راجہ اور مہاراجہ آئے، کئی حکومتیں آئیں مگر سال 1947 میں ہندوستان  آزاد ہوا اور 1952 میں پہلے انتخابات کے بعد حکومتیں بنیں مگر ایودھیا میں بھگوان رام کے ان کی جنم بھومی پر مندر تعمیر کروانے کا خیال آخر ان کے دل میں کیوں نہیں آیا۔
بھارتیہ جنتا پارٹی(بی جے پی)کے رہنما نے مخالف جماعتوں پر نشانہ سادہ کرتے ہوئے کہا، کچھ لوگ ہیں جو موقع پرست رویہ اپناتے ہیں۔ جب بحران آتا ہے تب رام یاد آتے ہیں اور باقی وقت رام کو بھول جاتے ہیں اس لیے بھگوان رام بھی اب انہیں بھول چکے ہیں۔ اب ان کی نےّا( ناؤ )کبھی پار نہیں ہوگی، یعنی رام دشمنوں کے لیے اب کوئی جگہ نہیں ہے۔
آدتیہ ناتھ نے کہا، جو لوگ رام بھکتوں پر گولیاں چلا رہے تھے، رام کے کام میں رکاوٹ بنے اور جو لوگ ابھی خواب دیکھ رہے ہیں بابری ڈھانچے کا، ہم انہیں بتانا چاہتے ہیں کہ قیامت کا دن کبھی نہیں آنے والا ہے۔